Read lulogooli Zaburi 118 Bible Online

Zaburi 118 - lulogooli bible

Zaburi 118

¹Mu santidze Yahova; kigira a veye mulahi; Kigira tsimbabasi tsitsye tsi veye ho mihiga nemihiga.

²Kalunu Israeli va vole, Tsimbabasi tsitsye tsi veye ho mihiga nemihiga.

³Avenyumba ya Haruni va vole, Tsimbabasi tsitsye tsi veye ho mihiga nemihiga.

⁴Yavo ava tia Yahova va vole kalunu, Tsimbabasi tsitsye tsi veye ho mihiga nemihiga.

⁵Mu kivi kyange ndanira Yahova: Yahova ya ntivulira nokumbika mbwiyangu bunene.

⁶Yahova a veye halala ninze; si nda tia mba: Mundu a nyala kunkolera ki?

⁷Yahova a veye halala ninze kuvo ava nkonyanga: Kunangwa nda lola aga nyenya kuvo ava ndunyira.

⁸Nobulahi kwirukira ku Yahova Kuvita kusuuvira mundu.

⁹Nobulahi kwirukira ku Yahova Kuvita kusuuvira avanene.

¹⁰Tsihiri tsyosi tsya nkumbiridza: Mu lieta lya Yahova nda va guuta

¹¹Va nkumbiridza; yee, va nkumbi; ridza: Mu lieta lya Yahova nda va guuta.

¹²Va nkumbiridza kuli tsinzuki, va simi kuli muliru gwamafwa: Mu lieta lya Yahova nda va guuta.

¹³Wa numba ligali nduke kugwa; Navutswa Yahova ya nkonya.

¹⁴Yahova a veye tsingulu tsyange na ulwimbu lwange; Naye u gwiye ubuhonnyi bwange.

¹⁵Mwoyo gwelisangala na gwobuhonnyi gu veye mu mahema gavalungi: Mukono mulungi gwa Yahova gu kolanga vyetsingulu.

¹⁶Mukono mulungi gwa Yahova gu kuminyang va: Mukono mulungi gwa Yahova gu kolanga vyetsingulu.

¹⁷Si nda kudza, navutswa nda va mwoyo, Na nda vola miyinzi gya Yahova.

¹⁸Yahova u mbeye amageli ligali; Navutswa si ya mbika mu likudza mba.

¹⁹U nzigulire viribwa vyobulungi: Na ndingira mu, nda santidza Yahova.

²⁰Yiki ni kiribwa kya Yahova; Avalungi va lingira mukvo.

²¹Nda ku santidza; kigira ive u ntivuliye, Nokugwa ubuhonnyi bwange.

²²Ligina lya avombaki va sula Li gwiye mutwe gwo lwiga.

²³Yili li twula ku Yahova; Li veye lyokugenya mu tsimoni tsyetu.

²⁴Yili ni lidiku lya Yahova ya lomba; Ku la kola isango nokusangala mulyo.

²⁵U ku honnye kalunu, O Yahova, ku goonya ive: O Yahova, ku goonya ive, kalunu u lete ubugasu.

²⁶U gasidzwe, uyu udzanga mu lieta lya Yahova: Ku mu gasidzi kutwula mu inyumba ya Yahova.

²⁷Yahova a veye Nyasaye, naye u ku hedzanga ubulavu: Mu bohe kihaanwa nemigoye, kali ku tsinziga tsyobwali.

²⁸Ive u veye Nyasaye wange, na nda ku santidza: Ive u veye Nyasaye wange, na nda ku kuminya.

²⁹Mu santidze Yahova; kigira a veye mulahi; Kigira tsimbabasi tsitsye tsi veye ho mihiga nemihiga.