Read lulogooli Zaburi 138 Bible Online

Zaburi 138 - lulogooli bible

Zaburi 138

¹Nda ku santidza nomwoyo gwange gwosi: Imbiri wavanyasaye ndimba tsinyimbu ku ive.

²Nda sigama kuyeka ku litempeli lilyo litakatifu, Na nda santidza lieta lilyo kigira tsimbabasi tsitsyo, na ageligali gogo: Kigira u nenehidzi likuva lilyo igulu we lieta lilyo lyosi.

³Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

⁴Avami vosi velirova va la ku santidza, O Yahova, Kigira va huliye livola lyomunwa gugwo.

⁵Yee, va limba mu tsinzira tsya Yahova; Kigira ubukumi bwa Yahovs bu veye bunene.

⁶Kigira kali Yahova a veye igulu, navutswa a henza avegehidzi; Navutswa a manyiranga ihale avenenehidzanga.

⁷Ni mba ni ngenda hagati hekivi, u la linda livamwoyo lyange; U la nyira mukono gugwo ku butima bwavasigu vange, Na mukono gugwo mulungi gu la mbonnya.

⁸Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.