Read lulogooli Zaburi 14 Bible Online

Zaburi 14 - lulogooli bible

Zaburi 14

¹A Musiru a voli mu mwoyo gwi gwe, Si ha veye na Nyasaye. Va veye avadamano, va koli agokuvihiriridza; Si ha veye nomulala u kolanga ubulahi.

²Yahova ha a veye migulu a henzanga avana va avandu, Kulola ni va va ni va veye ho avobugeeri, Avenyanga Nyasaye.

³Vosi va tsia haluvega; va gwiye avekifwabwi halala; Si ha veye nokolanga bulahi, kali mulala.

⁴Vosi ava kola ubudamano, si va veye nelimanya, Avalitsanga avandu vange kuli va lagira ubukima, Na si vanira Yahova?

⁵Va gwiye mu butii bunene; Kigira Nyasaye a veye mu kisukululwi kya avobulungi.

⁶Mu legannya likuva lyomudedekere, Navutswa Yahova a veye hokwirukira hehe.

⁷Nkano ubuhonyi bwa Israeli bwa twula Zioni Lwa Yahova yirannya lilanywa lya avandu veve, Hene yaho Yakobo a la sangala, na Israeli a la yanza.