Read lulogooli Zaburi 140 Bible Online

Zaburi 140 - lulogooli bible

Zaburi 140

¹U mbonnye, O Yahova, ku mundu mudamano; U nkinge ku mundu wekirage:

²Ava ganagana ubudamano mu myoyo gyavo; Kazozo vevungidza ku bulwani.

³Va hyagaye tsinimi tsyavo kuli inzoka; Ubusungu bwekihirigoma bu veye mu minwa gayvo. [Selaha

⁴U ninde, O Yahova, ku makono gavadamano; U nkinge ku mundu wekirage: Ava ganagana kugirunkannya ligenda lyange.

⁵Avoluyai va ntegi mitego na migoye; Va tegi imbeto ku inzira; Va ntegi viveto. [Selaha

⁶Nda volera Yahova, Ive u veye Nyasaye wange: U hulire, O Yahova, mwoyo gwelisaala lyange.

⁷O Yahova, Mwami, tsingulu tsye lihonywa lyange, U nkingiye mutwe gwange ku lidiku lyobulwani.

⁸O Yahova, u ta haana ku mudamano lyenya lilye; U ta konya mudamano ku lisaavira lilye, gase va legingira [Selaha

⁹Ku yavo ava nkumbiridzanga Kivi kyeminwa gyavo ki va kunike avene.

¹⁰Amanda gomuliru ga gwe kuvo: Va tebwe mu muliru, Mu mbogo ha va li vula kuvuka kandi.

¹¹Wetsimbemba si a la dinyeridzwa mu lirova: Ububi bu la hima mundu wekirage kumudividza.

¹²Mmanya Yahova a la vitidza likalaga lya uyu u dambidzangwa Kandi a la lungikidza makuva gomudaka.

¹³Ligali avalungi va la santidza lieta lilyo: Avobulungi va la menya imbiri wowo.