Read lulogooli Zaburi 144 Bible Online

Zaburi 144 - lulogooli bible

Zaburi 144

¹A gasidzwe Yahova, lwanda lwange Wegidza makono gange ku lihe, Na videte vyange kulwana.

²Wetsimbabasi tsyange, na lugaga lwange, Na munara mutambi gwange, na muhonnyi wange; Na ingavo yange, na uyu wa nzirukira kuye; Niye wa mbika igulu ku avandu vange.

³O Yahova, avandu va veye ki, ive wenya kuvamanya? Kandi mwana womundu a veye ki ive u mu ganagana?

⁴Umundu u veye kuli mwika: Madiku gege ga veye kuli kiriri kivitanga.

⁵O Yahova, winaminye ligulu lilyo, wike: U dire vigulu navyo vi la vuya mwoki.

⁶U heminye uluheni, na u va salannye; U lase mibano gyigyo, na u va kunge.

⁷U nyire mukono gugwo kutwula migulu, U mbonnye nokuntwulidza ku amadzi manene, Ku mukono gwa vageni;

⁸Aveminwa gyavo gyi vola ubugadi, Na mukono mulungi gwavo gu veye mukono mulungi gwobubehi.

⁹Nda kwimbira ulwimbu luhya, O Nyasaye: Ndimbira ive ku bukana bwemigoye likumi.

¹⁰Ni ive u haananga avami ku ubuhonnyi; Na u honnya Daudi mutumekiri wewe ku kivavi kyobudamano.

¹¹U mbonnye, na u ntwulidze ku mukono gwavageni, Aveminwa gyavo gyi vola ubugadi, Na mukono mulungi gwavo gu veye mukono mulungi gwobu behi.

¹²Lwa avayai vetu va li kuli visimikwa, va viruka mu ubusoleli bwavo, Na avakana vetu va li va kuli tsitiru tsya vadzwa kuli lifwanana lyenyumba yobwami;

¹³Na lwa videra vyetu vizula noku hindahala netsing'ano tsyosi, Na magondi getu givula tsielfu na tsielfu makumi mu milimi Ryetu;

¹⁴Lwa tsing'ombe tsyetu tsi veye nemisigo milahi; Lwa ha vula kuva nahatiguka, kinga kutwulidza, Kandi ha ta veye lihanzuka ku tsinzira tsyetu:

¹⁵Avandu va veye neliva yili va veye nobugasu; Yee, avandu va veye nobugasu ava Nyasaye a veye Yahova wavo