Read lulogooli Zaburi 17 Bible Online

Zaburi 17 - lulogooli bible

Zaburi 17

¹O Yahova, u hulire ubulungi, u tegidze ugutu gug; o ku lilira lyange; U huliridze lisaala lyange, li twula mmunwa bugira ubugadi.

²Likalagirwa lyange li twule imbiri wowo; Tsimoni tsitsyo tsi henze ku inkuva yobulungi.

³U geridzi mwoyo gwange; u duki ku inze mbudiku; U mali kumbenzeridza, na si u nyoye kindu; Nsaaviye munwa gwange si gu la hyola mba.

⁴Ku aga avandu va kolanga, ku likuva lyomunwa gugwo Mmali kwegaya ku tsinzira tsya vekirage.

⁵Ligenda lyange li handi ku tsinzira tsitsyo, Tsinduvatiru tsyange tsi vuli kuterera.

⁶Nzaniye ive, kigira u la ntivulira, O Nyasaye: U yekidze ugutu gugwo ku inze, u hulire livola lyange.

⁷U langaminye tsimbabasi tsitsyo tsyobuyanzi tsyokugenya, Ive u honnyanga nomukono gu gwo mulungi, yavo avirukira ku ive Kutwula ku yavo ava va vukira.

⁸U ninde kuli indolero yemoni; U mbise isi wekiriri kyetsimbaha tsitsyo,

⁹Imbiri wa avadamano ava ndambidzanga, Na imbiri wa avasigu vokunziita, ava nkumbiridzanga.

¹⁰Mwoyo gwavo mudamano va hani ligali: Nomunwa gwavo va vola agobuhaga.

¹¹Kalunu va ku kumbiridzi mu ligenda lyetu; Va viki tsimoni tsyavo kukutsoma hasi.

¹²A fwana king'ang'a ki veye neli huvala ku lilanya lyakyo, Na kuli king'ang'a kisoleli kikaye mu ligoneka lyakyo.

¹³O Yahova, U singire, U mu twulire, u mu tsome hasi: U honnye mwoyo gwange nekivavi kikyo, ku mukono gwomudamano;

¹⁴U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

¹⁵Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.