Read lulogooli Zaburi 37 Bible Online

Zaburi 37 - lulogooli bible

Zaburi 37

¹Mwoyo gugwo gu ta ku samha kigira ava kola ubwoni, Kandi u ta kendekera ava kolanga ubukyamu.

²Kigira va la kalika bwangu kuli ubunyasi, Nokwuma kuli kisibu kivisi.

³U suuvire Yahova, na u kole bu lahi; U menye mu kivala, na u lie ubusuuvirifu bwibwe.

⁴Weyanzidze mwene mu Yahova; Naye a la ku ha vyomwoyo gugwo gu saalanga.

⁵U vike ku Yahova inzira yoyo; Kandi u suuvire kuye, naye a la ku kolera aga wenyanga.

⁶A la lang'aminya ubulungi bubwo, bu loleke kuli ubulavu, Na likalagirwa lilyo kuli mbasu hagati.

⁷Wehodzeridze mu Yahova, na u mu lindirire nelyekudzira: Mwoyo gu ta ku samba kigira uyu u nyolanga bulahi ku inzira yeye, Kigira mundu a dukidza tsiganagani tsindamano.

⁸Leka livihirirwa, na u twulidze ubutima: Mwoyo gu ta ku samba, u luhe u duke mu budamano.

⁹Kigira ava kola ubudamano va la kalagwa; Navutswa ava lindirira Yahova, va la nyola miyandu gyelirova.

¹⁰Kigira i tigaye inyinga inkekeke, na mudamano a la vula kuva ho: Yee, u la ganagana ahehe, na si a li va ho.

¹¹Navutswa avahoma va la nyola miyandu gyekivala, Na va la sangala mu bunyingi bwemirembe.

¹²Mudamano a lombanga makuva ku mulungi, Na a dyedyeidzanga amino kuye.

¹³Mwami a la mu seka; Kigira a lola lidiku lilye liidzanga.

¹⁴Avadamano va somoye kivavi, na va nyiye ubuta bwavo, Kutsoma hasi mudaka no mudambi; Kwiita yava ava veye neligenda lilungi.

¹⁵Kivavi kyavo ki lingira mu mwoyo gwavo avene, Na buta bwavo bu la vunika.

¹⁶Bukekeke bwomulungi a veye na bwo, bu veye bulahi; Kuvita bunyingi bwavadamano vanymgn

¹⁷Kigira amakono gavadamano ga la vunanywa; Navutswa Yahova a veye mukonyi wavalungi.

¹⁸Yahova a manya rnadiku gavadukiru; Na miyandu gyavo gyi la va gyemihiga nemihiga.

¹⁹Si va la va isoni mmadiku madamano; Na mu madiku genzala va liguta.

²⁰Navutswa avadamano va la diva, Na avasigu va Yahova va la va kuli ubunolu bwelisaluluka no musembe: Va la hera, va la kamira mu mwoki.

²¹Mudamano a hambanga kivete, na si a tunga mba; Navutswa mulungi a kola tsimbabasi nokuhaana.

²²Kigira yavo ava ya gasidza va la nyola miyandu gyekivala; Navo ava ya laama, va la temwa.

²³Ligenda lyomundu li lombangwa na Yahova; Naye a sangala ku inzira yeye.

²⁴Na a va na a gwa, si a la guutwa ligali mba; Kigira Yahova a mu gumira mu kono nokumusingeridza.

²⁵Nda li musoleli, na kalunu ngwiye musakulu; Navutswa nkikiri kulola mulungi kulekwa vutswa, Kinga visukululwi vivye kusava vyokulia.

²⁶Lidiku lyosi a kolanga tsimbabasi, nokuhambidza kivete; Na visukululwi vivye vi gasidziywi.

²⁷U twule mu budamano, na u kole bulahi; Na u menye mihiga nemihiga.

²⁸Kigira Yahova a yanza likalaga lilungi, Na si a lekanga avatakatifu veve; Va lindangwa mihiga nemihiga: Navutswa visukululwi vyavadamano vi la temagwa.

²⁹Avobulungi va la nyola miyandu gyekivala, Nokumenya mu mihiga nemihiga.

³⁰Munwa gwomulungi gu volanga agobugeeri, Na ululimi lwilwe lu volanga agelikalaga lilungi.

³¹Lilaga lya Nyasaye wewe li veye mmwoyo gwigwe; Ligenda lilye si li la terera.

³²Mudamano a henzanga mulungi; Ni yenya kumwiita.

³³Yahova si a la mu leka mmukono gwigwe, Kinga kumukalagira lwa a yalwa.

³⁴U lindirire Yahova, u gumire inzira yeye, Naye a la ku nenehidza kuduka u nyole miyandu gyekivala: Lwa avadamano va temwa, ive u la lola.

³⁵Ndoli mudamano a veye netsingulu tsinene, Na a twulanga tsisya nokutavalala kuli musala muvisi gu veye mu marova malahi.

³⁶Navutswa mulala ya vita, na henza, si a li ho: Yee, nda mwenya ligali, navutswa si ya nyoleka.

³⁷U henze ligali mundu mudukiru, u lole mulungi; Kigira kiheri kyomundu uyu ki veye mirembe.

³⁸Na yavo avebaali va la dividzangwa halala: Kiheri kyavadamano ki la tema gangwa.

³⁹Navutswa ubuhonnyi bwavalungi bu veye ku Yahova: A veye lugaga lwavo mmadiku gekivi.

⁴⁰Yahova a va konya, na a va sola: A va sola ku avadamano, na a va honnya, Kigira vivisi muye.