Read lulogooli Zaburi 47 Bible Online

Zaburi 47 - lulogooli bible

Zaburi 47

¹Mu kupage makono genyu, mwinye avetsihiri; Mu kupe lwanga ku Nyasayenomwoyo gweliguuta.

²Kigira Yahova a veye Wegulu Ligali na wokutihidza; A veye Mwami munene ku lirova lyosi.

³A gehidzanga avandu ku kwinye, Na avetsihiri isi wevirenge vyetu.

⁴A ku tovolera miyandu gyetu, Ubukumi bwa Yakobo wa ya yanza. [Selaha

⁵Nyasaye yanegiye nesango, Na Yahova nomwoyo gwekisiliva.

⁶Mwimbe tsinyimbu ku Nyasaye, mwimbe tsyokwidzominya: Mwimbe tsinyimbu ku Mwami wetu, mwimbe tsyokwidzominya.

⁷Kigira Nyasaye a veye Mwami ku lirova lyosi: Mwimbe tsyokwidzominya neli manya.

⁸Nyasaye yamehanga ku tsihiri: Nyasaye yikala ku intebe yeye yobutakatifu.

⁹Avanene va avandu va vungidzwa halala Avandu va Nyasaye wa Abrahamu; Kigira tsingavo tsyelirova tsi veye tsya Nyasaye: A nenehidzevwi ligali. Ulwimbu;