Read lulogooli Zaburi 56 Bible Online

Zaburi 56 - lulogooli bible

Zaburi 56

¹U mbere tsimbabasi, O Nyasaye; kigira avandu venyangakummira: Mbasu bei va lwananga noku mmina.

²Avasigu vange venyanga kummira lidiku lyosi bei; Kigira va veye vanyingi ava lwananga na inze nobwigingiri.

³Inyinga ya mbeye nobutii, Nda vika lisuuvira lyange mu ive.

⁴Mu Nyasaye (ndidzominya likuva lilye), Mu Nyasaye mbiki lisuuvira lyange, si nda tia mba; Womubiri a nyala kunkolera ikindu ki?

⁵Mbasu bei va kyaminyanga makuva gange: Tsiganagani tsyavo tsyosi tsi veye ku inze ku budamano.

⁶Vevugannya avene, vivisa avene, Va luta tsinduvatira tsyange Kali kuli va goneki mwoyo gwange.

⁷Va la nyala kuhona kigira ubudamano? Mu butima, O Nyasaye, u tsome hasi avetsihiri.

⁸Ive u validza livoyavoya lyange: U vike maliga gange mu ichupa yoyo; Si ga veve mu kitabu kikyo?

⁹Kunangwa avasigu vange va lirana inyima ku lidiku lya nyanira ive: Yaga mmanya, Nyasaye a veye ku luvega lwange.

¹⁰Mu Nyasaye (ndidzominya makuva gege) Mu Yahova (ndidzominya makuva gege),

¹¹Mbiki lisuuvira lyange mu Nya saye, si nda tia mba; Mundu a nyala kunkolera ikindu ki?

¹²Lilaga lilyo li veye ku inze, O Nyasaye: Nda haana ku ive vihaanwa vyokusantidza.

¹³Kigira wa honnya mwoyo gwange mu likudza: Ive si u honnya virenge vyange mu likigitala? Nduke kugenda imbiri wa Nyasaye Mu bulavu bwa ava veye mwoyo?