Read lulogooli Zaburi 58 Bible Online

Zaburi 58 - lulogooli bible

Zaburi 58

¹Mwinye ligali mu vola kuli avalungi, O livugana? Mwinye, mu kalagira nobulungi, O avana va avandu?

²Auwa, mu myoyo mu kolanga ubudamano Mu gera kirage kyamakono genyu mu lirova.

³Avadamano va veye avageni kutwula munda: Va tsia haluvega kutwula livulwa lyavo, ku livola ububehi.

⁴Ubusungu bwavo bu veye kuli busungu bwenzoka: Va fwana kihirigoma ki ta hulira kya hana amatu,

⁵Ki vula kuhulira mwoyo gwavasegetiri, Kali ni va segetira nobugeeri bwosi.

⁶O Nyasaye, u vunannye amino gavo mu munwa gwavo: O Yahova, u kuule amoni manene gavana veving'ang'a.

⁷Va saluluke kuli amadzi ga gendanga bwangu: Lwa a lasa mibano gyigye gyi ve kuli gyi vuniki.

⁸Va ve kuli kigongolo ki salulukanga ni ki hera, Kuli inda yomukali yoneki, yelivula li vula kulola liuva.

⁹Lwa vifuria vyenyu vi kikiri kuhulira uluva lwa mafwa A la ga hila nekihudzudzi, vivisi na vyumu halala.

¹⁰Wobulungi a la sangala lwa a lola livanza kisalya: A la singa virenge vivye mmasahi ga vadamano.

¹¹Na avandu va la vola, Ligali ga veye ho madanvi gavalungi: Ligali a veye ho Nyasaye, a kalaganga mu lirova.