Read lulogooli Zaburi 61 Bible Online

Zaburi 61 - lulogooli bible

Zaburi 61

¹U hulire lilira lyange, O Nyasaye; U tegidze gutu ku lisaala lyange.

²Kutwula ku kiheri kyelirova ndanira ive, lwa nyenya kukudza mwoyo: U nzimirire ku lwanda lu veye irulu kuvita inze.

³Kigira ive u veye kyokwivisa mu kyange, Impinga yetsingulu ku musigu.

⁴Nda menya mu lihema lilyo mihiga nemihiga: Ndivisa mu kyokukunika kyetsimbaha tsitsyo. [Selaha

⁵Kigira ive, O Nyasaye, u huliye lilagana lyange: U haani ku inze miyandu gya yava ava tidzanga lieta lilyo.

⁶U la meda livamwoyo lyomwami; Mihiga gyigye gyi la va kuli makula manyingi.

⁷A la menya mihiga nemihiga imbiri wa Nyasaye: U tegidze tsimbabasi tsyobuyanzi na ageligali, vi duke kumu linda.

⁸Kunangwa ndimba agokwidzominya lieta lilyo mihiga nemihiga Nduke kukola madiku gosi lilagana lyange.