Read lulogooli Zaburi 64 Bible Online

Zaburi 64 - lulogooli bible

Zaburi 64

¹U hulire mwoyo gwange, O Nyasaye, mu lisaala lyange: U honnye livamwoyo lyange ku ubutii bwavasigu.

²U nkunike ku ligemehidza lya avadamano Ku liyoga lya yava ava kolanga ubwoni;

³Ava hyagalanga tsinimi tsyavo kuli kivavi, Na va lasi mibano, nagyo gyi veye amakuva malulu,

⁴Va duke kulasa mudukiru makiriri: Nonoho va mu lasa, na si va tia mba.

⁵Veguluhidzanga mu inkuva indamano; Va volerana ku livika mitego makiriri; Va vola, Ibwaha a la gyi lola?

⁶Va henzeridza ubwoni; Va vola ku mali lihenzeridza lyobugulu: Kali mu tsiganagani tsyavo tsyomusi, nomu mwoyo gwoluliva.

⁷Navutswa Nyasaye a la va lasa; Nonoho va la tumitwa nombano.

⁸Na ndiyo va likigitalidzwa, tsinimi tsyavo tsi va gumiye: Vosi ava va lola va la sung'usa mitwe.

⁹Na avandu vosi va la tia; Na va la landidza likola lya Nyasaye, Na va gananaga nobugeeri miyinzi gyigye.

¹⁰Avalungi va la sangala mu Yahova, na va livisa muye; Na vosi ava veye nemyoyo milungi va lidzominya.