Read lulogooli Zaburi 65 Bible Online

Zaburi 65 - lulogooli bible

Zaburi 65

¹Lidzominywa li ku lindirira mu Zioni, O Nyasaye; Noku ive lilagana li la kolwa.

²O ive umuhuliri welisaala, Ku ive mibiri gyosi gyi ladza.

³Makuva agobukyamu ga li netsingulu ku inze: Aga mahyolo getu, ive u la ga sameha.

⁴A veye nobugasu uyu wa u tovola, nokumuleta himbi ku ive A duke kumenya hango hoho: Ku liguta ubulahi bwenyumba yoyo, Litempeli lilyo litakatifu.

⁵Nevindu vyokutihidza u li ku tivulira mbulungi, O Nyasaye wobuhonywi bwetu, Ive u veye kisuuviri kyeviheri vyosi vyelirova, Kandi kya yavo ava veye ihale ku inyanza:

⁶Uyu u singeridzanga vigulu netsingulu tsitsye, Webohi nobunyali;

⁷U kiring'annya liyoga lyetsinyanza, Liyoga lyeviguvuli vyatsyo, Na kivihiri kya avetsihiri.

⁸Na vosi ava menya mu tsimbega tsya ihale va tiye vimannyiru vivyo: Ligenda lyomugamba na lyomgolova, ive u li hedzanga ubusangali.

⁹U ligulanga lirova nokulisama amadzi U li nulidzanga ligali; Mugera gwa Nyasaye gwizuye amadzi: U va hedzanga ubuswage lwa u mali kubulombera lirova.

¹⁰U samanga makindi galyo ligali; Nokubaminya bwegingu bwago: U, ga dotidza nembula yolwerera; U gasidza limera lyalyo.

¹¹U vika ku muhiga itaji yobulahibubwo; Tsinzira tsitsyo tsi tonyanga maguta.

¹²Ga tonyatonyanga ku vyayiru vyomigendanyama; Na vigulu vyebohi ubusangali.

¹³Vyayiru vi vikeywi mu bunyingi bwamagondi; Mavona ga vikeywi mu ubuswage; Vi sangalanga nobuyanzi, kandi vyimba.