Read lulogooli Zaburi 66 Bible Online

Zaburi 66 - lulogooli bible

Zaburi 66

¹Mu kupe isango ku Nyasaye, lirova lyosi;

²Mwimbe ubukumi bwelieta lilye: Mu kuminye lidzominywa lilye.

³Mu volere Nyasaye, Vikolwa vivyo vi veye nelitibwa Kigira bunene bwetsingulu tsitsyo avasigu vovo va legehidza ku ive.

⁴Lirova lyosi li la sigamira ive, Nokwimba ku ive; Va limbira lieta lilyo. [Selaha

⁵Hambi, mu lole vikolwa vya Nyasaye; Miyinzi gyigye gyi veye nelitibwa ku avana va avandu.

⁶Ya girunkannya inyanza i gwe kivala kyumu; Vambuka mugera nevirenge: Ha zana kwa mu sangalira ho.

⁷Yamehanga netsingulu tsitsye mihiga nemihiga; Tsimoni tsitsye tsi henza avetsihiri: Avatingu va tenenehidza avene. [Selaha

⁸Mu gasidze Nyasaye wetu, mwinye avetsihiri, Mu hanzuke lwanga lwelidzominywa lilye;

⁹U vikanga mwoyo gwetu mu bulamu, Na si a leka virenge vyetu kudengeya.

¹⁰Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

¹¹Wa ku vika mu mutego; Wa ku vika viliduhu ku vikenge vyetu.

¹²Wa gendidza ava nina ku tsiparasi, igulu ku mitwe gyetu; Kwa vita mu muliru na mu amadzi; Navutswa ive wa ku twulidza mu nokukuvika hobuhindahalu.

¹³Ndingira mu inyumba yoyo nevi haanwa vyokusambwa; Nda haana ku ive vya nda lagananive,

¹⁴Vye minwa gyange gya vola, Na vya munwa gwange gwa vola inyinga nda li mu kivi.

¹⁵Nda ku letera vihaanwa vyokusambwa vyobunolu, Halala nelivuyidza kimuli kyamagondi makole; Nda haana tsigiriki na tsimbuli. [Selaha

¹⁶Hambi, mu hulire, mwinye vosi avatidzanga Nyasaye, Na nda mu volera aga u koleye mwoyo gwange.

¹⁷Ndanira kuye nomunwa gwange, Na ya kuminywa nolulimi lwange.

¹⁸Ni mba ni nyanza ubudamano mu mwoyo gwange, Mwami si a la mbulira mba:

¹⁹Navutswa Nyasaye u huliye; U tegidzi gutu gwigwe ku mwoyo gwelisaala lyange.

²⁰A gasidzwe Nyasaye, U vuli kweleha lisaala lyange, Kinga tsimbabasi tsitsye ku inze.