Read lulogooli Zaburi 69 Bible Online

Zaburi 69 - lulogooli bible

Zaburi 69

¹U mbonnye, O Nyasaye; Kigira amadzi gingira mwoyo gwange.

²Nsikiye mu budohi bwekidende, helisingira li vula kuva: Nduki mu amadzi goluliva, na nkunikiywi nelizulira lyamadzi.

³Nduhi ku lilira lyange; mwigoti mwange mwumi: Tsimoni tsyange tsi liduhi ku lilindirira Nyasaye wange.

⁴Yavo ava ndunyira bugira kivune va veye avanyingi kuvita lisu lyomutwe gwange: Yavo avenya kundividza, va veye avasigu vange nobugadi, va veye avetsingulu: Ma ndirannya kya nda vula kuhila.

⁵O Nyasaye u manye ubusiru bwange; Na ubwoni bwange si bu viseywi ku ive.

⁶O Mwami Yahova wa mahe, u ta leka ava ku lindirira va ve isoni kigira inze; O Nyasaye wa Israeli, avenyanga ive va ta leganywa kigira Inze.

⁷Kigira inze nyegeywi kigira ive; Tsisoni tsi kuniki mmoni mwange.

⁸Ngwiye mugeni ku avamwavo vange Na wekyova ku avana va mama wange.

⁹Kigira lididikana lyenyumba yoyo li mali kundia; Na manyego ga va nyeganga ive ga duka ku inze.

¹⁰Lwa nda lira nokuregidza mwoyo gwange nelihonga lilia, Yaga ga leta linyegwa.

¹¹Lwa ndivika ligunia kuva tsingubo tsyange, Nda duka kuva likyaywa kuvo.

¹²Yavo avikala mu kiribwa va tala lieta lyange; Na rnbeye lwimbu lwavahambilii.

¹³Navutswa ku inze, lisaala lyange li veye ku ive O Yahova, inyinga yokubugirirwa: O Nyasaye, mu bunene bwetsi mbabasi tsitsyo, U ntivulire mu ageligali gobuhonnyi bubwo.

¹⁴U mbonnye ku budohi, nta duka kusikira: Mbule kuvikwa mu makono gavo ava ndunyira, na mbonywe mu luliva lwa amadzi.

¹⁵Amadzi manene ga ta duka kunzononnya, Kandi ululiva lu ta mmira; Kandi munwa gwo bogo gu takunika inze.

¹⁶U ntivulire, O Yahova; kigira tsimbabasi tsyobuyanzi tsitsyo tsi veye tsindahi: Kuli ubunyingi bwetsimbabasi tsitsyo wesunde ku inze.

¹⁷U ta visa mumoni mumwo ku inze mutumekiri wowo; Kigira mbeye mu kivi; u ntivulire bwangu.

¹⁸Wesunde himbi ku mwoyo gwange, u gu honnye: U mbonnye kigira avasigu vange.

¹⁹Ive u manya linyegwa lyange, na tsisoni tsyange, na lileganywa lyange: Avasigu vange vosi va veye imbiri wowo.

²⁰Linyegwa lyononnyi mwoyo gwange; na nzizuye ubulitu: Mbenzerera avalala kumbererera, navutswa si va veye ho mba; Na mbenzerera avokuneminyamwoyo, navutswa si nda va lola mba.

²¹Kandi va mpa indulwi kuva vyokulia vyange; Nomu ubuluhu bwange va nwehidza isiki.

²²Imeza yavo imbiri wavo i gwe mutego; Na mu mirembe gyavo gvi gwe umutego.

²³Va vakulidzwe tsimoni tsyavo, va vule kulola; Vikenge vyavo vi degeridzwe kazozo.

²⁴U tsuke ubutima bubwo kuvo, Na ubululu bwelivihirirwa bu va gumire.

²⁵Limenya lyavo li lekwe vutswa; Na mahema gavo ga ta va no u menya ho mba.

²⁶Kigira va dambidza uyu wa ive wa kuya; Na va talanga ubusaliri bwa yavoava u kindukidzi.

²⁷Ku ubukyamu bwavo u mede ku ubukyamu; Va vule kwingira mu bulungi bubwo.

²⁸Veywe kutwulidzwa mu kitabu kyelivamwoyo, Va vule kwng'odwa halala na ayalungi.

²⁹Navutswa mbeye mudambi, na mbeye nobusaliri: Ubuhonnyi bubwo, O Nyasaye, bu ndigulule.

³⁰Ndidzominya lieta lya Nyasaye nolwimbu, Na nda mu nenehidza nelisantidza.

³¹Nalyo li la yanzidza Yahova ku vita ing'ombe, Kinga igiriki, i veye netsinziga na tsimbagayu.

³²Avahoma va ga loli, na va sangala: Mwinye avenyanga Nyasaye, mwoyo gwenyu gu ve nelivamwoyo.

³³Kigira Yahova a huliranga avadaka, Na si a lega avahambe veve mba.

³⁴Ligulu na lirova vi mwidzominye, Tsinyanza na vyosi vi molanga muyo.

³⁵Kigira Nyasaye a la honnya Zioni, nokwombaka madala ga Yuda; Na va la menya ho, nokulinyola kuva miyandu gyavo.

³⁶Visukululwi vya vatumekiri veve vi la li nyola kuva miyandu gyavo; Navo ava yanza lieta lilye va la menya mu.