Read lulogooli Zaburi 75 Bible Online

Zaburi 75 - lulogooli bible

Zaburi 75

¹Ku ku santidza, O Nyasaye; Ku ku santidzanga, kigira lieta lilyo li veye himbi: Avandu va vola likola lilyo lyobugenyi.

²Lwa nda nyola inyinga i lagwa, Nda kalaga likalaga lyobulungi.

³Lirova li saluluki halala na ava menyi mu vosi: Inze mwene nsingeridzi tsitiru tsyalyo. [Selaha

⁴Nda volera avigingiri, Mu ta kola ubwigingiri; Na avadamano, Mu ta gingaulwiga:

⁵Mu ta ginga ulwiga lwenyu igulu; Mu ta vola neligoti lidinyu.

⁶Kigira lyeginga si li twulanga ivugwe, kinga imadioli, Kandi si li twula kusini.

⁷Navutswa Nyasaye a veye muka lagi: A gehidzanga mulala, nokunene hidza wundi.

⁸Kigira mu mukono gwa Yahova, ki veye mu kikombe kyewaini kiviravira lifwulu; Kizuye vitsukannyeywi, naye ya vi tsuka: Ligali avadamano velirova vosi va la komheridza amaseke, nokuganwa.

⁹Navutswa inze nda landidza mihiga nemihiga Nokwimba tsyokwidzominya Nyasaye wa Yakobo.

¹⁰Tsinziga tsyosi tsyavadamano, nda tsi kalaga; Navutswa tsinziga tsyavalungi tsi la gingwa.