Read lulogooli Zaburi 76 Bible Online

Zaburi 76 - lulogooli bible

Zaburi 76

¹Nyasaye a manyekana mu Yuda: Lieta lilye li veye linene mu Israeli.

²Kandi lihema lilye li veye mu Salemi, Na ubumenyo bwibwe mu Zioni.

³Ha zana ya vunannya mibano gyobuta; Kandi ingavo, na kivavi, na ubulwani. [Selaha

⁴Ive u veye wobukumi na wobu lahi, Kuvita vigulu vyelilanya.

⁵Avetsingulu mmwoyo va lanywa, Va goni tsindolo tsyavo; Na kali mulala ku avetsingulu si a nyola makono gege.

⁶Ku ligondoka lilyo, O Nyasaye wa Yakobo Ligari lyobulwani na iparasi vyombi vi tebwa mu tsindolo tsyelikudza.

⁷Ive, na ive weng'ine, u veye we] itibwa; Na ibwaha u nyala kusingira imbiri wowo lwa u vihirirwa?

⁸Kutwula migulu wa kola likalaga kuhulirwa; Lirova lya tia, na lya kiring'ana

⁹Inyinga Nyasaye ya singira mu likalaga Kuhonnya avahoma vosi avelirova [Selaha

¹⁰Ligali ubutima bwavandu bu la kwidzominya: U la gaya ubutima bwa tigala.

¹¹Mu lagane na Yahova Nyasaye wenyu, na mu tunge: Vosi ava mu kumbiridza, va lete vihaanwa ku uyu u tibangwa.

¹²A la kalaga mwoyo gwa ava nene: A veye mutihidzi ku avami avelirova.