Read lulogooli Zaburi 78 Bible Online

Zaburi 78 - lulogooli bible

Zaburi 78

¹Mwinye avandu vange, mu huliridze lilaga lyange: Mu yekidze amatu genyu kuhulira livola lyomunwa gwange.

²Nda kunula munwa gwange kukupa lugano; Nda vola ga viswa aga veye ga kale.

³Aga ku huliye, ni ku ga manyi, Aga avaguga vetu va ku voleye.

⁴Si ku la ga visa ku avana vavo Ku la volera kisukululwi ki londanga lidzominywa lya Yahova, Na tsingulu tsitsye, na vyokugenya vya ya kola.

⁵Kigira ya singeridza lilolekidza mu Yakobo, Na ya vika lilaga mu Israeli, Lya ya laga avaguga vetu, Kumannya avana vavo;

⁶Kisukululwi ki londanga ki duke kulimanya, kali avana va livulwa; Ava li singira nokulivola ku avana vavo,

⁷Va duke kuvika lisuuvira lyavo ku Nyasaye Na va vule kwivirira vikolwa vya Nyasaye, Navutswa va gumire amalago gege,

⁸Na va vule kuva kuli avaguga vavo Ava li kisukululwi kyobwebaali na kyokutinguha, Kisukululwi kya vula kulungikidza mwoyo gwakyo, Na mwoyo gwakyo si gwa dinya ku Nyasaye mba.

⁹Avana va Efiraim, ava veye nevyuma, na va ginganga buta, Virana inyima ku lidiku lyelihe.

¹⁰Si va gumira lilagana lya Nyasaye, Na va sula kugenda mu malago gege;

¹¹Na vivirira vikolwa vivye, Na vyokugenya vya ya va mannya.

¹²Ya kola vyokugenya mu tsimoni tsya avaguga vavo Mu kivala kya Egepeti, na mu mulimi gwa Zoan.

¹³Yavukanya inyanza, na a vambukidza engereka; Ya singeridza amadzi kuva kuli kitumi.

¹⁴Kandi ya vimirira nelilesi mbasu, Na ubudiku bei ya rimirira nobulavu bwomuliru

¹⁵Yatanya tsinyanda mwigendanyama, Na a va nwehidza amadzi manyingi kuli agoluliva lunene.

¹⁶Naye ya twulidza amadzi ku lwanda Na a tsuka amadzi kuli migera.

¹⁷Navutswa va meda kukola ubwonl kuye Nokuhing'ana ku uyu U Veye Weigulu Ligali, mu kyangalangwi.

¹⁸Na va geridza Nyasaye mu myoyo gyavo Ku lisaala vyokulia kuli likayirwa lyavo.

¹⁹Yee, va tala Nyasaye ubudamano; Va vola, Nyasaye a nyala kwaala imeza mwigendanyama?

²⁰Henza, ya kuya lwanda, kuduka amadzi ga senuka, Na migera gyizula Kandi a nyala kukuha ubukima? Kandi a nyala kuletera avanduveve inyama?

²¹Kunangwa Yahova ya hulira, na a vihirirwa; Na muliru gwaakidzwa ku Yakobo Na ubutima bwa twulira Israeli;

²²Kigira si va suuvira Nyasaye mba Kandi si va suuvira ubuhonnyi bwibwe

²³Navutswa ya laga malesi gegulu, Na yigula miliango gyomigulu;

²⁴Ya kupidza imbuia ya mana va duke kulia Na a va ha vyokulia kutwula migulu.

²⁵Mundu sa mulala ya lagira ubukima bwa wetsingulu: Ya va ha vyokulia vyokuvigutidza.

²⁶Ya gendidza imbuudza yevugwe migulu; Yimirira imbuudza ya kusininetsingulu tsitsye.

²⁷Ya kupidza kuvo imbula ye inyama kuli ulugukyi, Na manyonyi getsimbaha kuli muyeke gwenyanza:

²⁸Na ya ga yeridza hagati hobusosero bwavo, Ku kumbiridza ubumenyo bwavo.

²⁹Kunangwa va lia, na viguta; Na a va ha lyenya lyavo.

³⁰Si va vukanywa nelikayirwa lyavo Vyokulia vyavo vya li ni vi veye mminwa gyavo,

³¹Lwa ubutima bwa Nyasaye bwaaka kuvo, Na bwiita kuvo avakomera Na bwa tsoma hasi avasoieli va Israeli.

³²Ku yaga gosi, va hongera kukola ubwoni, Na va vula kusuuvira makuva gevikolwa vivye vyokugenya.

³³Kunangwa ya heridza madiku gavo mu vyavutswa, Na mihiga gyavo mu ubutii.

³⁴Lwa ya viita, ma va mwenya; Navo virana nokwenya Nyasaye ligali.

³⁵Na vidzulitsa Nyasaye a veye lwanda lwavo Na Nyasaye Weigulu Ligali mu honyi wavo.

³⁶Navutswa va mu volera makuva madoto geminwa gyavo, Na va veha kuye nolulimi lwavo.

³⁷Kigira mwoyo gwavo si gwa li mulungi kuye, Kandi si va veye avasuuvirifu ku lilagana lilye mba.

³⁸Navutswa kigira a veye wetsimbabasi, ya sameha ubukyamu bu avo, na si ya vononnya mba: Yee, hali kanyingi ya twula ku ubutima bwibwe, Na si ya vukidza ubululu bwibwe bwosi.

³⁹Naye yidzulitsa va veye inyama vutswa, Na ua veye imbuudza i vitanga, i vula kwirana mba.

⁴⁰Hali kanyinga va hing'ana naye mwigendanyama, Na va mu vereridzira mu kyangalangwi

⁴¹Na va girunkana ni va geridza Nyasaye, Na vatira Mutakatifu wa Israeli lwako.

⁴²Si vidzulitsa mukono gwigwe, Kinga lidiku lya ya va honnya ku musigu;

⁴³Kuli ya singeridza lilolekidza lilye mu Egepeti, Na vyokugenya vivye mu mulimi gwa Zoan,

⁴⁴Na girunkannya migera gyavo kuva masahi Kandi amadzi gagyo kuduka avene si va nyala kunwa mba.

⁴⁵Ya leta kuvo maduuma getsingi, tsya va luma; Na makere aga vononnya.

⁴⁶Ya haana vyamera vyavo ku lisa, Na ya haana miyinzi gyavo ku tsisigi.

⁴⁷Yononya mizabibu gyavo nembula yamagina, Na mikuyu gyavo ya gyiita nobukindu.

⁴⁸Ya vika imihlgu gyavo ku imbula yamagina, Na vyayo vyavo ya vika ku luheni lwoluya.

⁴⁹Ya tsuka kuvo ubululu bwobutima bwibwe, Livihirirwa, na ubudunyi, na kivi, Lya li lihila lyekiduma kyengelosi tsyobudamano.

⁵⁰Ya lombera ubutima bwibwe inzira; Si yigalira likudza ku mwoyo gwavo, Navutswa ya haana livamwoyo lyavo ku ubulwaye.

⁵¹Na ya kuya vosi ava tanga kwi vulwa mu Egepeti, Avanene vetsingulu tsyavo mu mahema ga Ham.

⁵²Navutswa yimirira avandu veve kuli magondi, Na a va gendidza kuli kyayo mwigendanyama.

⁵³Ya vimirira bulahi, kuduka va vula kutia; Navutswa inyanza ya kunika avasigu vavo.

⁵⁴Ya va leta ku lwako lwobutaka tifu bwibwe Ku kigulu yiki kyomukono gwigwe mulungi gwa nyola.

⁵⁵Ya kunga avetsihiri imbiri wavo, Ya va gerera miyandu gyavo nomugoye Ya haana tsihiri tsya Israeli kumenya mu mahema gavo.

⁵⁶Navutswa va geridza nokuhing'ana na Nyasaye Weigulu Ligali, Kandi si va gumira lilolekidza lilye;

⁵⁷Navutswa virana inyima, ni va kola nobugadi kuli avaguga vavo: Na va kyama kuli ubuta bu ta li nobusoga.

⁵⁸Kigira va mu vihiriridza nevitumi vyavo vyobwali, Nokumukendekidza nevifwananyi vyavo vyavadzwa.

⁵⁹Nyasaye ya hulira, na a vihirirwa, Na a sula Israeli ligali

⁶⁰Kunangwa ya leka iibema lya Shilo, Lihema lya yembaka hagati; ha avandu;

⁶¹Na a haana tsingulu tsitsye tsi lanywe Na ubukumi bwibwe ya vika mu mukono gwomusigu.

⁶²Ya haana avandu veve ku kivavi, Kandi ya vihirirwa nemiyandu gyigye.

⁶³Muliru gwa samba avasoleli vavo; Na avakana vavo si va li netsinyimbu tsyekiserero.

⁶⁴Avasalisi vavo va gwa nekivavi; Na avakunzakali si va lira.

⁶⁵Hene yaho Mwami ya vuka kuli u gonanga tsindolo, Kuli mundu wetsingulu u kupanga lwanga kigira iwaini.

⁶⁶Na ya duya avasigu veve, na a virannya inyima: Nokuvavika mutsisoni tsyemihiga nemihiga.

⁶⁷Kandi ya sula lihema lya Yosefa, Na si ya tovola ihiri ya Efiraim,

⁶⁸Navutswa ya tovola ihiri ya Yuda, Kigulu kva Zioni kya ya yanza.

⁶⁹Na yombaka hatakatifu hehe kuli tsisonga tsye vigulu, Kuli lirova lya ya lomba muse mihiga nemihiga.

⁷⁰Ya tovola Daudi mutumekiri wewe, Na ya mu twulidza mu vigo vya magondi:

⁷¹Kutwula inyima wa magondi aga veye na avana vago ya mu leta Kuva mwayi wa Yakobo avandu veve, na Israeli miyandu gyigye.

⁷²Kunangwa ya li mwayi kuli ubu dukiru bwomwoyo gwigwe, Na a vimirira nobusidza bwamakono gege.