Read lulogooli Zaburi 84 Bible Online

Zaburi 84 - lulogooli bible

Zaburi 84

¹Amahema gogo ga yanzidzanga ndi, O Yahova wa mahe

²Mwoyo gwange gu kayirwa, yee, kali gu kudza ku lyenya lihema lya Yahova; Mwoyo gwange na mubiri gwange gu liranga ku Nyasaye weli vamwoyo.

³Yee, litondelidzi li nyoye inyumba, Na iminyi yenyoleye ubugono ha i nyala kuvika avana vayo, Kali ubwali bubwo, O Yahova wa mahe, Mwami wange, na Nyasaye vange.

⁴Va veye nobugasu ava menyanga mu inyumba yoyo: Va hongeranga kwidzominya ive. [Selaha

⁵A veye nobugasu mundu wetsingulu tsitsye tsi veye mu ive; Wetsinzira tsinene tsi veye mu mwoyo gwigwe.

⁶Ava vitanga mkivanda kya Lilira va ki kola kuva visenukiru vya amadzi; Yee, imbula yokutanga i ki kunika nobugasu.

⁷Va twulanga ku ubunyali noku duka ku ubunyali; Va vugananga sa mulala imbiri wa Nyasaye mu Zioni.

⁸O Yahova Nvasaye wa mahe, u hulire lisaala lyvange; U tegidze ugutu, O Nyasaye wa Yakobo. [Selaha

⁹U henze, O Nyasaye ingavo yetu, U henze mmoni mwombake wowo.

¹⁰Kigira lidiku lilala mu mahema gogo li veye lilahi kuvita elfu. Nyanza kuva mulindi wekiliango kyenyumba ya Nyasaye wange, Kuvita limenya mu mahema gobudamano.

¹¹Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

¹²O Yahova wa mahe Mundu u suuviranga ive a veye nobugasu.