Read lulogooli Zaburi 96 Bible Online

Zaburi 96 - lulogooli bible

Zaburi 96

¹Mwimbire Yahova ulwimbu luhya: Mwimbire Yahova, mwinye avelirova lyosi.

²Mwimbire Yahova, mu gasidze lieta lilye; Mu lolekidze ubuhonnyi bwibwe madiku na madiku.

³Mu lang aminye ubukumi bwibwe ku avetsihiri, Na makola gege gokugenya hagati ha vetsihiri tsyosi.

⁴Kigira Yahova a veye munene, nokwidzominywa ligali: A veye wokutibwa kuvita avanyasaye vosi.

⁵Kigira avanyasaye vosi va vetsihiri va veye vifwananyi vutswa; Navutswa Yahova ya lomba ligulu.

⁶Ubunene na ubukumi vi veye imbiri wewe: Ubunyali na ubulahi vi veye mu hatakatifu hehe.

⁷Mwinye avetsihiri tsya avandu mu vole ku Yahova Mu vole ku Yahova, ubukumi na ubunyali.

⁸Mu vole ku Yahova ubukumi bu dukana nelieta lilye: Mu lete kihaanwa na mwingire hamugidzi hehe.

⁹Mu sigamire Yahova mu bulahi bu obutakatifu: Mu degere imbiri wewe, avelirova vosi.

¹⁰Mu vole hagati hetsihiri, Yahova yamehanga: Lirova kandi li singiridziywi, kuduka li ta nyala kudengeya: A la kalagira avandu nobulungi.

¹¹Migulu mu sangale, na lirova li yanze; Inyanza i Iwume, na vyosi vizuye muyo;

¹²Ligendanyama li sangale, na vyosi vi veye mu; Ma misala gyosi gyomulitu gyi la kupa isango

¹³Imbiri wa Yahova; kigira yadzanga, Kigira yadzanga kukalagira lirova. A la kalagira avelirova nobulungi, Na avetsihiri na ageligali gege.