Read lulogooli Zaburi 99 Bible Online

Zaburi 99 - lulogooli bible

Zaburi 99

¹Yahova yamehanga; avetsihiri va degere: Yikalanga igulu wa vakerubi; lirova li dengeye.

²Yahova a veve munene mu Zioni; A veye igulu ligali ku avetsihiri vosi.

³Vidzominye lieta lilyo linene na lyokutibwa: A veye Mutakatifu.

⁴Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

⁵Mu kuminye Yahova Nyasaye wetu, Na mu sigamire ha intebe yevirenge vivye: A veye Mutakatifu.

⁶Musa na Haruni va li mu avasalisi veve, Na Samweli mu avanira lieta lilye; Vanira Yahova, naye ya va tivulira.

⁷Ya va volera makuva mu munara gwelilesi: Va gumira lilolekidza lilye, Na amalago ga ya va ha.

⁸O Yahova Nyasaye wetu, ive wa va tivulira: Wa li Nyasaye wobusamehi kuvo, Navutsva wa vanza kisalya ku likola lyavo.

⁹Mu kuminye Yahova Nyasaye wetu, Mu sigamire ha kigulu kikye kitakatifu; Kigira Yahova Nyasaye wetu a veye mutakatifu.