Read lulogooli Tsing'ano 10 Bible Online

Tsing'ano 10 - lulogooli bible

Tsing'ano 10

¹Tsing'ano tsya Solomoni. Mwana wobugeeri a kolanga dada wewe kuva nobuyanzi; Navutswa mwana wobusiru a veye ubuliduhu ku mama wewe.

²Tsikiba tsyobudamano tsi veye tsya vutswa; Navutswa ubulungi bu honnyanga ku likudza.

³Yahova si a la leka mwoyo gwowobulungi kuva nenzala; Navutswa a sulanga likayirwa lyomudamano.

⁴U tumekiranga mukono gwobugata a dukanga kuva mudaka; Navutswa mukono gwomugulu gu letanga ubutugi.

⁵Uyu u vungidzanga inyinga yoluya a veye mwana wobugeeri; Navutswa u gonanga tsindolo inyinga yeligesa a veye mwana wokuleta tsisoni.

⁶Ubugasu bu veye ku mutwe gwomulungi; Navutswa kirage ki kunikanga munwa gwomudamano.

⁷Lidzulitsa yavo avalungi li veye nobugasu; Navutswa lieta lyomudamano li la gunda.

⁸Avobugeeri mmwoyo gwavo va la vugula amalago; Navutswa musiru wamakuva manyingi a la gwa hasi.

⁹Uyu u gendanga nobulungi a gendanga nobuluviriri Navutswa uyu u kyaminyanga tsinzira tsitsye a la manyekana.

¹⁰Uyu u molidzanga imoni a letanga liverera; Navutswa musiru wa makuva manyingi a la gwa hasi.

¹¹Munwa gwomulungi gu veye kisenukiru kya amadzi gelivamwoyo Navutswa kirage ki kunikanga munwa gwomudamano.

¹²Ubudunyirani bu vukidza amahing'ano; Navutswa ubuyanzi bu kunikanga mahyolo gosi.

¹³Ubugeeri bu nyoleka mu minwa gya uyu u veye nelimanya; Navutswa impimbo i dukira mu gongo gwa uyu u gehera limanya.

¹⁴Avageeri va vikanga akiba yelimanya; Navutswa munwa gwomusiru gu veye ubudivi bwa kalunu.

¹⁵Ubutugi bwomutugi bu veye lidala lilye lyolugaga: Na ubudivi bwa avadaka bu veye ubudaka bwavo.

¹⁶Miyinzi gyavalungi gyi vekanoa ku livamwoyo; Limedeka lyavadamano li yekanga ku ubwoni.

¹⁷Uyu u bugiriranga lihebwa amageli a veye ku inzira yelivamwoyo; Navutswa uyu u lekanga lyegi dzwa a gotanga.

¹⁸Uyu u visanga ubudunyi a veye neminwa gyobubehi Na uyu u volanga ligemehidza a veye musiru.

¹⁹Mu bunyingi bwamakuva si ga vula kuva mu mahyolo Navutswa uyu u gayanga minwa gyigye, a veye wobugeeri.

²⁰Ululimi lwomulungi lu veye kuli ifetha indahi: Mwoyo gwomudamano gu konyanga hakekeke vutswa.

²¹Minwa gyowobulungi gyi lageridza vanyingi; Navutswa avasiru va kudzanga ku livula kuva nelimanya.

²²Ubugasu bwa Yahova bu tugidzanga; Na si a vika liverera halala nabwo.

²³Likola ubudamano li veye kuli ubukino ku musiru; Na ubugeeri bu veye ndiyo ku mundu welimanya.

²⁴Ubutii bwomudamano bu la duka kuye Na lyenya lyomulungi a lizulitsi rwa.

²⁵Kihudzudzi ni ki mali kuvita mudamano si a veye ho kandi, Navutswa wobulungi a veye muse gwa madiku gosi.

²⁶Kuli isiki i veye mu amino, na kuli mwoki gu veye mu tsimoni, Ni ndiyo mugata a veye ku yavo ava mu tumanga.

²⁷Litia lya Yahova li meda madiku; Navutswa mihiga gya avadamano gyi la gehidzwa.

²⁸Lisuuvira lyavalungi li la va ubuyanzi; Navutswa lihenzerera lyomudamano li la diva.

²⁹Inzira ya Yahova i veye impinga ku avalungi; Navutswa i veye ubwoneku ku ava kolanga ubudamano.

³⁰Wobulungi si a la dengeyidzwa mihiga nemihiga; Navutswa avadamano si va la menya mu kivala.

³¹Munwa gwomulungi gu sibukanga ubugeeri; Navutswa ululimi lwobukyamu lu la kalagwa.

³²Minwa gyavalungi gyi manyanga aga nyala kubugirirwa: Navutswa munwa gwomudamano gu volanoa ubukyamu.