Read lulogooli Tsing'ano 13 Bible Online

Tsing'ano 13 - lulogooli bible

Tsing'ano 13

¹Mwana wobugeeri a hulira megidzo ga dada wewe; Navutswa wekihenyahenye si a hulira mageli.

²Mundu a la lia bulahi kigira makuyu gomunwa gwigwe; Navutswa mwoyo gwavetsimbemba gu la lia kirage.

³Uyu u lindanga munwa gwigwe a lindanga livamwoyo lilye; Narutswa uyu u kunulanga minwa gyigye a la nyola lidiva.

⁴Mwoyo gwomugata gu kayirangwa, na si gu veye nekindu; Navutswa mwoyo gwomugulu gu la komeridzwa.

⁵Mundu mulungi a dunyiranga ububehi; Navutswa mudamano a kolanga livihiriridza, na a duka mu tsisoni.

⁶Ubulungi bu lindanga mulungi ku inzira; Navutswa ubudamano bu tung'aminya mwoni.

⁷A veye ho wekolanga mutugi, navutswa si a veye nekindu: A veye ho wekolanga mudaka, navutswa a veye nobutugi bunyingi.

⁸Mutungu gwelivamwoyo lyomundu gu veye ubutugi bwibwe; Navutswa mudaka si a hulira ligondoka.

⁹Ubulavu bwavalungi bu sangalanga; Navutswa itaya yomwoni i la siminywa.

¹⁰Uluyai lu letanga ubuhing'ani bwere; Navutswa ava vugulanga makuva malahi va veye nobugeeri.

¹¹Ubutugi bwa nyoleka ne vya vutswa bu la gehidzwa; Navutswa uyu u vungidzanga neliyinzira a la medeka.

¹²Lisuuviridza li lindagiranga li kolanga mwoyo kusalira Navutswa lwa lyenya li duka li veye musala gwelivamwoyo.

¹³Ku vosi u leganga likuva a letanga ubwoneku ku mwene; Navutswa uyu u tidzanga lilaga a la hebwa madanyi.

¹⁴Lilaga lyavobugeeri li veye kisenukiru kyelivamwoyo, Mundu a duke kutwula ku mitego gyelikudza.

¹⁵Limanya lilahi li letanga tsimbabasi; Navutswa inzira yomudamano i veye indinyu.

¹⁶Ku vosi weliganagana lilahi a yinziranga nelimanya; Navutswa musiru a lang'aminyanga ubusiru bwil)we.

¹⁷Mutumwa mudamano a gwidzanga mu budamano; Navutswa mutumwa musuuvirifu a veye ubulamu.

¹⁸Ubudaka na tsisoni vi la va kidieli kya uyu u sulanga lihebwa amageli; Navutswa uyu u huliranga lyegidzwa a lidzominywa.

¹⁹Lyenya lya nyoleka, li veye linolu mu mwovo; Navutswa kuleka ubudamano li veye livihiriridza ku vasiru.

²⁰U gende halala na avandu vobu geeri na u la va mugeeri; Navutswa welihambana na avasiru a la salira.

²¹Ubudamano bu londanga avoni; Navutswa avalungi va la tungwa ubulahi.

²²Mundu mulahi a lekera avisukulu veve miyandu; Na ubutugi bwomwoni bu vikeywi avalungi.

²³Ha veye nevyokulia vinyingi mu lilima lya vadaka; Navutswa ha veye ho wononnyangwa ku livula kuva nobulu ngi.

²⁴Uyu u gehidza amageli gege a dunyira mwana wewe; Navutswa uyu u mu yanzanga a mu hedzanga amageli inyinga i dukani.

²⁵Mulungi a litsanga kuduka ku ligutidza mwoyo gwigwe; Navutswa inda yomudamano i la daka vyokulia.