Read lulogooli Tsing'ano 19 Bible Online

Tsing'ano 19 - lulogooli bible

Tsing'ano 19

¹Mudaka u gendanga mu bulungi bwibwe a veye mulahi Kuvita weminwa gyigye gyi veye mikyamu naye a veye mu siru.

²Kandi, si bu li bulahi mwoyo gu vule kuva nelimanya; Na uyu u gendanga tsimbiru nevi renge vivye a kolanga ubwoni.

³Ubusiru bwomundu bu kyaminyanga inzira yeye; Na umwoyo gwigwe gu vihirirangwa Yahova.

⁴Ubutugi bu letanga avalina avanyingi; Navutswa mulina womudaka a twula kuye.

⁵Umuloli u volanga ububehi si a la vula kukalagirwa mba; Na uyu u volanga ububehi si a la hona mba.

⁶Avanyingi va la sava tsimbabasi ku uyu muhaani Na sa mulala u veye mulina wa uyu u haananga vihaanwa.

⁷Avamwavo vosi vomudaka va mu dunyira: Nasindi avalina veve va la kira kutwula kuye. A va londanga namakuva, navutswa va mali kutsia.

⁸Uyu u nyola ubugeeri yeyanza mwoyo gwigwe: Na uyu u gumiranga limanya, a la nyola ubulahi.

⁹Umuloli mubehi si a la vula kukalagirwa; Na uyu u volanga ububehi a la diva.

¹⁰Limenya lyobwelemeridzi si li veye ku musiru; Kuvita si ga dukanga mutugwa kwameha ku avana vobwami.

¹¹Liganagana bulahi lyomundu li mu kola kuva mwekudziri ku butima; Na bu veye ubukumi bwibwe kusunda mahyolo.

¹²Ubutima bwomwami bu veye kuli lifwuma lyeking'ang'a; Navutswa tsimbabasi tsitsye tsi veye kuli lime ku ubulimu

¹³Mwana musiru a veye ubudivi ku dada wewe; Na lihing'ana lyomukali li veye kuli litonyatonya lya kazozo.

¹⁴Inyumba na ubutugi nigyo miyandu gyi twula ku vadada; Navutswa mukali weliva lyobugeeri a twula ku Yahova.

¹⁵Ubugata bu vikanga mundu mu tsindolo tsinene; Na mwoyo gwobugata gu la saliridzwa nenzala.

¹⁶Uyu u gumira lilaga a lindanga mwoyo gwigwe mwene; Navutsua uyu u gadahala ku tsinzira tsitsye a la kudza.

¹⁷Uyu u verereranga avadaka a hambidza Yahova kivete, Na likola lilye lilahi a la mu tunga kandi.

¹⁸U he mwana wowo amageli, kigira lisuuviridza li veye ho; Na u ta vika mwoyo gugwo ku lyoneka lilye.

¹⁹Mundu wobutima bunene a la ginga kivi kikye; Kigira nu u va nu u mu honnya ga la ku dukira kukola hali kaviri.

²⁰U hulire livola, na u bugirire lyegidzwa U duke kuva wobugeeri mu kiheri kikyo.

²¹Liganagana linyingi li veye ho mu mwoyo gwomundu; Navutswa livola lya Yahova, yili li la singira.

²²Kya kola mundu kuyanzwa ki veye tsimbabasi tsitsye; Na mudaka a veye mulahi kuvita mubehi.

²³Litia Yahova li henzanga ku livamwoyo; Na uyu u veye nalyo a la va nekilema mwoyo Ubudamano si bu la duka kuye mba.

²⁴Mugata a vikanga mukono gwigwe mu isahani, Naye si yenya kuguhila ku munwa gwigwe kandi.

²⁵U kuye wekihenyahenye, ava ta li nelimanya va leyegidza liva lyo bugeeri; Na u gaye uyu u veye nelihuliridza, na a la hulira limanya.

²⁶Uyu u kolera dada wewe kivi, nokukunga mama wewe, A veye mwana u letanga tsisoni nelinyegwa.

²⁷Mwana wange, u sule kuhulira amegidzo Agononyannga makuva gelimanya.

²⁸Muloli u ta konya kindu a kolera likalaga kihenyahenye; Na munwa gwomudamano gu miranga ubudamano.

²⁹Likalaga li lomberwa avekihenyahenye, Na maduya ga lomberwa mgongo gwavasiru