Read lulogooli Tsing'ano 2 Bible Online

Tsing'ano 2 - lulogooli bible

Tsing'ano 2

¹Mwana wange, nu u va nu u bugirira amakuva gange, Nokuvika amalago gange halala na ive;

²Kuduka kutegidza ugutu gugwo kuhulira ubugeeri, Nokuvika mwoyo gugwo kumanya;

³Yee, nu u va nu wanira limanya, Nokuginga mwoyo gugwo gu duke kumanya

⁴Nu u va nu mwenya kuli wenyanga if etha, Nu u va nu mwenya ligali kuli wenyanga vindu vya viswa:

⁵Hene yaho u la manya litibwa lya Yahova, Na u la nyola limanya lya Nyasaye.

⁶Kigira Yahova a haananga ubugeeri; Limanya na limanyeridza ri twulanga ku munwa gwigwe.

⁷A vikira avalungi ubugeeri budukiru; A veye ingavo kuvo ava genda mu budukiru;

⁸A duke kulinda tsinzira tsyelikalaga, Nokulinda tsinzira tsya avataka tifu veve.

⁹Hene yaho u la manya ubulungi nelikalaga, Nobulungi, Vee, tsinzira tsyosi tsindahi.

¹⁰Kigira ubugeeri bu lingira mwoyo gugwo, Na limanya li la sangalidza mwoyo gugwo;

¹¹Tsiganagani tsinungi tii la ku linda; Limanya li la ku linda:

¹²Kukuhonnya ku inzira yobudamano, Ku avandu va volanga makuva gobukyamu:

¹³Ava lekanga tsinzira tsyobulungi, Kugenda ku tsinzira tsyekisundi;

¹⁴Ava sangalira mu ubwoni Na va yanza ubukyamu bwobudamano;

¹⁵Avetsinzira tsyavo tsi veye tsinkyamu, Avobukyamu mu tsinzira tsyavo:

¹⁶Kukuhonnya ku mukali mugeni, Kali ku mugeni uyu u kolanga makuva gege kuva madoto;

¹⁷Uyu u lekanga mulina wewe wobwana buke bwibwe, Na yivirira lilagana lya Nyasaye wewe:

¹⁸Kigira inyumba yeye yikanga ku likudza, Na tsinzira tsitsye tsi hilanga ha avakudzu;

¹⁹Yavo avingira kuye si va galuka mba, Kandi si va nyola tsinzira tsyelivamwoyo:

²⁰Eve u duke kugenda ku inzira yavandu valahi, Nokulonda tsinzira tsyavalungi.

²¹Kigira avobulungi va la menya mu kivala, Na avadukiru va la tigala mukyo.

²²Navutswa avadamano va la kalagirwa kutwula mu kivala, Na avobugadi va la twulidzwa mu kivala.