Read lulogooli Tsing'ano 26 Bible Online

Tsing'ano 26 - lulogooli bible

Tsing'ano 26

¹Kuli likonza inyinga yekimeyo, na kuli imbula inyinga yeli gesa, Ni ndiyo lidzominywa si li dukira musiru.

²Kuli litonderidzi mu ligenda, na kuli iminyi mu libuluka lyayo, Ni ndiyo lilaama li ta veye nekivune, na li ta veye na ha li duka.

³Lusala ku iparasi, na lijamu ku isukiri, Na impimbo ku mugongo gwavasiru.

⁴U ta tivulira musiru kuli ubusiru bwibwe Gase ive kandi ive u la va kuli uyu.

⁵U tivulire musiru kuli ubusiru bwibwe, Gase u leganagana mwene kuva wobugeeri.

⁶Uyu u tumiranga makuva mu mukono gwomusiru Wekalaga virenge vivye, na a nwedzanga ligota.

⁷Virenge vya yavo ava henyeranga vi sung'anana: Ni ndiyo lugano lu veye mmunwa gwavasiru.

⁸Kuli uyu u bohanga ligina mu lukova, Ni ndiyo uyu a veye widzominya nga musiru.

⁹Kuli lifwa lingiranga mu mukono gwomuhambiki, Ni ndiyo lugano lu veye mu munwa gwavasiru.

¹⁰Musidza a lombanga vindu vyosi, Navutswa uyu u lagana nomusiru a veye kuli a lagana navavitanga.

¹¹Kuli imbwa yirana ku maluki gayo, Ni ndiyo a veye musiru u kolanga ubusiru bwibwe hali kaviri.

¹²U lola mundu weganagana mwene a veye mugeeri? Ha veye nelisuuvira mu makuva gomusiru kuvita uyu.

¹³Mugata a vola, king'ang'a ki veye ku inzira; King'ang'a ki veye ku lihasi.

¹⁴Kuli muliango gu vodonkana ku tsimbada, Ni ndiyo mugata a hunzukananga ku kitale kikye.

¹⁵Mugata a vika mukono gwigue mu isahani; Naye a luhanga kuguhila kandi ku munwa gwigwe.

¹⁶Mugata mu tsiganagani tsitsye a veye nobugeeri Ku vita avandu vatano na vaviri ava nyala kutivula nobugeeri.

¹⁷Uyu u vitanga nokwingira mu lihing'ana li ta veye lilye, A veye kuli mundu u gumiranga imbwa ku amatu gayo.

¹⁸Kuli mulalu a sikisanga viyayi vyomuliru, Mibano, na likudza;

¹⁹Ni ndiyo uyu a gadanga mutende wewe, Na a vola, Nkupanga tsimbaka vutswa, si ga veye ndiyo?

²⁰Kigira budaka bwetsinku muliru gu simanga; Kandi ha mugemehidzi a ta veye, lihing'ana li heranga.

²¹Kuli amanda ku amanda gaakanga, na tsinku ku muliru, Ni ndiyo a veye uyu u elihing'ana kuvukidza lihing'ana.

²²Makuva gomugemehidzi ga veye kuli vyokulia vinolu Kandi gingiranga musi muomundu ligali.

²³Minwa gyaakanga na mwoyo mudamano Gyi veye kuli kiju kyobudohi kyakunikwa ku namanda geietha.

²⁴Uyu u dunyanga a vehanga neminwa gylgye; Navutswa yevikira akiba yobugadi muye muene:

²⁵Lwa a vola makuva malahi, u ta mu suuvira mba; Kigira a veye na gokuvihiriridza gatano na gaviri mmwoyo gwigwe:

²⁶Kali lidunya lilye lyekunika nobugadi Ubudamano bwibwe bu la lang'aminywa imbiri wekiduma.

²⁷Ku vosi u yavanga bogo, mwene a la gwa mu; Na uyu u gomagominyanga ligina, li lirana kuye.

²⁸Lulimi lwobubehi lu dunyira ava lu dividza; Na munwa gu vola lidzominya lya vutswa gu letanga ubudivi.