Read lulogooli Tsing'ano 28 Bible Online

Tsing'ano 28 - lulogooli bible

Tsing'ano 28

¹Avadamano viruka inyinga si a li ho mundu kuvalonderera; Navutswa avalungi va veye nobuluviriri kuli king'ang'a.

²Ku mahyolo gekivala avanene vakyo va veye avanyingi; Navutswa avandu vobugeeri na velimanya va la ki dinyeridza.

³Mundu mudaka u tindiranga avadaka A veye kuli imbula yolugega i vula kuleka vyokulia.

⁴Ava lekanga lilaga vidzominya avadamano: Navutswa yavo ava gumiranga lilaga va hing'ana navo.

⁵Avandu avadamano si va manya likalaga; Navutswa yavo avenyenga Yahova, va manya vyosi.

⁶Mudaka u gendanga mu bulungi bwibwe, a veye mulahi Kuvita uyu wetsinzira tsitsye tsi veye tsinkyamu, kali na a veye mutugi.

⁷Ku vosi uyu u gumiranga lilaga a veye mwana wobugeeri; Navutswa uyu u veye wakye ku avahuvali a legannya dada wewe.

⁸Uyu u medznga ubutugi bwibwe ku vyambeti na limedeka li ta li lilungi, A bu vungidzanga bu ve bwa uyu u verereranga avadaka.

⁹Uyu u girunkannya ugutu gwigwe a vula kuhulira lilaga, Kali lisala lilye li veye livihiriridza.

¹⁰Ku vosi uyu u kyaminganga valungi va londe inzira indamano, Uyu mwene a la gwa mu bogo bwibwe; Navutswa avadukiru va la lia miyandu gyobulahi.

¹¹Mutugi welola mwene a veye wobugeeri; Navutswa mudaka a veye welimanya a mu henzeridza.

¹²Lwa avalungi va guuta bu veye ubukumi bunene; Navutswa lwa avadamano venenehidza, avandu vivisa.

¹³Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

¹⁴Mundu u tidzanga madiku gosi a veye nobusangali; Navutswa uyu wedinyeridza mwoyo gwigwe a la gwa mu kivi.

¹⁵Kuli liva lyeking'ang'a ki fwuma nga, na iduba i gendagenda; Ni ndiyo mudamano wamehanga ku avandu avadaka.

¹⁶Munene u geha limanya a veye mudambidzi ligali; Narutswa uyu u dunyiranga likayirwa a la kola madiku gege kuva manyingi.

¹⁷Mundu wa masahi gomundu ga mminanga A lirukira mu bogo; mundu kali mulala a ta mwigalira.

¹⁸Ku vosi uyu u genda nobulungi a la honywa; Navutswa uyu u kyaminya tsi nzira tsitsye a la gwa nonoho.

¹⁹Uyu u limanga mulimi gwigwe a la va nevyokulia vi dukanga; Navutswa uyu u londanga avandu va vutswa a la va nobudaka bu dukanga.

²⁰Musuuvirifu a la va nobugasu bunyingi; Navutswa uyu u kola bwangu kunyola ubutugi si a la vula kukalagirwa.

²¹Si bu li bulahi kwelidza avandu; Kinga mundu kukola mahyolo kunyola lidonye lyobukima.

²²Uyu u veye ne imoni indamano a kolanga bwangu kulonda ubutugi, Naye si a manya ubudaka bu la mu gwira.

²³Uyu u gondokera mundu lwenyima a la nyola ubulahi kuvita Uyu wiidzominyanga na makuva gege madoto.

²⁴Ku vosi uyu u nuula dada wewe kinga mama wewe, na a vola, Yaga si ga veye lihyolo, Wa zana a veye wakye womwononnyi.

²⁵Uyu womwoyo gwelikayirwa, a vukidzanga lihing'ana; Navutswa uyu u suuviranga Yahova a la komeridzwa.

²⁶Uyu u suuviranga mwoyo gwigwe mwene a veye musiru; Navutswa ku vosi u gendanga nobugeeri, a la honywa.

²⁷Uyu u haananga ku avadaka si a la gehera kindu; Navutswa u visanga tsimoni tsitsye a la va nevilaamo vinyingi.

²⁸Lwa avadamano va singira, ava ndu va livisa; Navutswa lwa va diva avobulungiva medeka.