Read lulogooli Kohelethu 2 Bible Online

Kohelethu 2 - lulogooli bible

Kohelethu 2

¹Nda vola mu mwoyo gwange, Kalunu hamba, nda geridza ive nelisangala: kunangwa u lole ubusangali: kandi, henza, yaga kandi ga li ga vutswa.

²Mmakuva geliseka nda vola, Ga veye bulalu; nomu makuva gobusangali nda vola, Ga kola ki?

³Nda henzeridza mu mwoyo gwange kuli nnyala kusangalidza mubiri gwange na iwaini, nomwoyo gwange gwa li ni gu nyimirira nobugeeri, kandi kuli ng'umiri ubusiru, nduhe ndole ni kindu ki ki konya avana vavandu va duka kugikola isi weligulu amadiku gosi gelimenya lyavo.

⁴Ndelombera miyinzi minene; ndeyombakira tsinyumba lugano lugano; ndetagira milimi gyemizabibu;

⁵ndelombera milimi lu gano lugano, noluhya, na nda taga mulwo misala gyamakuyu getsingano tsyosi;

⁶ndelombera madavalia gamadzi, nduke kusuma mulitu hemisala midoto gyasimikwa;

⁷nda gula vatugwa avayai na navakana, na vatugwa vivulwa mu inyumba yange: kandi nda li nobutugi bunyingi bwetsing'ombe namagondi, kuvita vosi a vimira imbiri wange mu Yerusalemi;

⁸kandi ndevungidzira ifetha nethahabu, nemiyandu gyobwami na gyevivala vya ihale na ihale; ndenyolira avandu avasatsa avokwimba navakali avokwimba, nelyesyaha lyavana vavandu, nobukana bwetsinyimbu tsyetsingano tsyosi.

⁹Ma nda gwa munene, nokumedeka kuvita vosi a vimira imbiri wange mu Yerusalemi: ubugeeri bwange bwa menya halala ninze.

¹⁰Na ku vyosi kya tsimoni tsyange tsya kayirwa si nda tsima kya zana mba; si nda gaya mwoyo gwange mu busangali mba; kigira mwoyo gwange gwa li ni gu sangalira linyankana lyange lyosi; na yiki kya li kidieli kyange mu linya nkana lyange lyosi.

¹¹Ma nda henza miyinzi gyosi gyamakono gange ga kola, nelinyankana lyosi lya nda nyankana ku: henza, vyosi vya li vya vutswa nokudidikana ku imbuudza, kandi si ha li nekyambeti kali kilala, isi weliuva.

¹²Ndegirunkannya nduke kuhenza ubugeeri, nobulalu, nobusiru: kigira mundu u li londa mwami a nyala kukola kindu ki? Ala kola ki mali kukolwa kutwula kale.

¹³Hene yaho nda lola ubugeeri bu vita ubu siru, kuli ubulavu bu vitanga kisundi.

¹⁴Tsimoni tsya uyu wobugeeri tsi veye mmutwe gwigwe, nomusiru a tsitsanga mu kisundi: halala na yaga nda lola inkuva indala i gwiranga vosi halala.

¹⁵Hene yaho nda vola mmwoyo gwange, Kuli yaga aga gwiranga umusiru, ni ndiyo ga la ngwira inze; na nda li nobugeeri kuvita, kigira ki? Hene yaho nda vola mmwoyo gwange, yaga kandi ga veye aga vutswa.

¹⁶Kigira si ha veye nokwidzulitswa mihiga nemi higa ku mugeeri, kuli musiru; kigira mu madiku gadzanga, yaga va la va ni va mali kwivirirwa. Nowobugeeri akudzaga ndi, ni halala kuli musiru

¹⁷Ma nda dunyira livamwoyo, kigira miyinzi gya kolwa isi weliuva gya saliridza inze; kigira yaga gosi na ga vutswa nokudidikana ku imbuudza.

¹⁸Na nda dunyira likola lyange lyosi lya nda kola isi weliuva, kigira nda lola ga ndukira ndekere mundu u li londa inyima wange.

¹⁹Kandi ni bwaha u manyanga a la va wobu geeri kinga musiru? Navutswa a lameha ku likola lyange lyosi lya nkoli, na mulyo ndolekidzi ubugeeri bwange isi weliuva. Kandi yaga gosi na ga vutswa.

²⁰Kunangwa nda girunkana yiyi na yiyi nduke kutwulidza likayirwa ku mwoyo gwange mu makuva gelididikana lyange lya nda didikana mu isi weliuva.

²¹Kigira mundu a veye ho welididikana lilye li veye halala nobugeeri, na halala nelimanya, na nobusidza; navutswa kandi a la lekera mundu wa vula kudidikana mu, ki ve kidieli kikye. Yaga kandi ga veye ga vutswa nobudamano bunene.

²²Kigira mundu a nyola ki mu lididikana lilye lyosi, nomu linyankana lyosi lyomwoyo gwigwe, lya a didikana mu isi weliuva?

²³Kigira madiku gege gosi ga veye ubuvereri vutswa, nelinyankana lilye lyosi li veye ubusaliri: yee, kali inyinga yobu diku, mwoyo gwigwe si gu nyola lisosa mba. Yaga kandi na ga vutswa.

²⁴Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.

²⁵Kigira ni bwaha u nyala kulia, kandi ni bwaha u nyala kwesangalidza, kuvita inze?

²⁶Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.