Read lulogooli Kohelethu 4 Bible Online

Kohelethu 4 - lulogooli bible

Kohelethu 4

¹Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

²Kunangwa, kigira yaga ndidzominya avakudzu ava kudza kale, kuvita avelivamwoyo va kikiri mwoyo;

³yee, nobulahi kuvita yava vosi ndidzominya uyu u kikiri kuva ho, u kikiri kulola miyinzi midamano gyi kolangwa isi weliuva.

⁴Kandi nda lola mu makuva gelididikana lyosi nomu miyinzi gyosi gyobusidza, mundu a kendekerangwa na vakye veye kigira yaga. Yaga kandi ga veye ga vutswa, nokudidikana ku imbuudza.

⁵Musiru yeku mbereranga, na yelitsanga mwene.

⁶Luhe lulala, halala nemirembe, lu veye nobulahi kuvita tsimpi tsiviri halala nelinyankana nokudidikana ku imbuudza.

⁷Ma ndirana nokulola vya vutswa isi weliuva.

⁸A veye yo mulala muderwa na si a veye no wa kaviri; yee, si a veye nomwana kinga amwavo; navutswa lididikana lilye si li veye nekiheri, kandi tsimoni tsitsye si tsigutanga ku butugi bunyingi mba. A vola, Inze nyankana kigira bwaha, nokwima mwoyo gwange ubulahi? Yaga kandi na ga vutswa, yee, bu veye linyankana linene.

⁹Vaviri nobulahi kuvita mulala, kigira va nyolanga madanyi malahi ku linyankana lyavo.

¹⁰Kigira mulala na a gwa, wakye a la mbukidza; navutswa bayaye ku uyu u veye muderwa lwa a gwa, si a veye nowundi kumuvukidza.

¹¹Kandi, vaviri ni va gona halala, va nyolanga uluya: navutswa mulala yeng'ine a nyala ndi kunyolauluya?

¹²Kandi ku vosi mundu na a guuta uyu muderwa, vaviri va la hing'ana naye; na mugoye gwemigoye gyivaka si gu nyala kukalika bwangu.

¹³Musoleli u veye mudaka wobugeeri a veye mulahi kuvita mwami musakulu wobusiru, u ta manyi ku bugirira lyegidzwa kandi.

¹⁴Kigira ya twula mbuhambe kuva mwami; yee, kali mbwami bwibwe yivulwa mudambi.

¹⁵Nda lola ava veye mwoyo vosi ava gendanga isi weliuva, va li halala nomusoleli uyu, wa kaviri, ya singira mbugono bwibwe.

¹⁶Avandu vosi si va li nekiheri, vosi ava ya li igulu kuvo: navutswa vosi ava lidza inyima wewe si va la sangala kuye mba. Ligali yaga kandi na ga vutswa, nokudidikana ku imbuudza.