Read lulogooli Lwimbu lwa Solomoni 1 Bible Online

Lwimbu lwa Solomoni 1 - lulogooli bible

Lwimbu lwa Solomoni 1

¹Lwimbu lwetsinyimbu, lu veye lwa Solomoni.

²Ya mbuse nelibusa lyomunwa gwigwe;

³Maguta gogo ga wevaki ga veye bulahi kuvita iwaini. Maguta gogo ga wevaki ga veye nomuhomo gu yanzidzanga; Lieta lilyo li veye kuli amaguta: malahi aga tsukwa; Kigira yaga avakana va ku yanza.

⁴U nkwese; na ku la ku londa: tsimbiru inyima wowo: Mwami u ndeti mu tsinyumba tsitsye; Ku la yanza nokusangala ligali ku ive; Ku la twulidza makuva gobuyanzi bubwo kuvita makuva gewaini: Liyanza lya va ku yanza ni lilungi.

⁵Mbeye mwamu ligali, navutswa mbeye mulahi, Mwinye avakana va Yerusalemi,] Kuli amahema ga Kedari, Kuli lugitu lwa Solomoni.

⁶U ta mbenza, kigira mbeye mumwamirikanu, Kigira liuva li nsambanga. ] Avayai va mama wange va mbihirirwa; Va mbika mbe mulindi wemilimi gyemizabibu; Navutswa mulimi gwange gwemizabibu si nda gu linda mba.

⁷U mbolere, O ive, womwoyo gwange gu yanza, Wayanga kyayo kyamagondi ha liha, U mbolere ho u sosidzanga inyinga yombasu hagati, ni haliha: Kigira ki inze kuva kuli mulala u kunikiywi ubwasasu Himbi nevyayo vyamagondi aga vakyo?

⁸Nu u va nu u ta manya, O ive mulahi ligali mu vakana, Tsia kyova wetsinduvatiru tsyekyayo kyamagondi, Waye vimeme vyetsimbuli vivyo himbi namahema gavayi.

⁹O muyanze wange, mmali kukufwanannya, Neparasi i veye mu ligari lya Farao.

¹⁰Tsisaya tsitsyo netsindahi ligali nemidindi gyelisu. Ligoti lilyo nemigoga gyethahabu.

¹¹Ku la ku lombera midindi gyetha habu Na viboheru vyefetha.

¹²Inyinga umwami yikala ku meza yeye, Maguta gange genardi gekolera lifunya mwayu gwago.

¹³Umuyanze wange a veye ku inze kuli liboho lyamanemane, Li gonanga hagati hetsimbeere tsyange.

¹⁴Muyanze wange a veye ku inze kuli liboho lyevimuli vi funyanga bulahi Mu milimi gyemizabibu gya Engedi.

¹⁵Henza, u veye mulahi ligali, muyanze wange; Henza, u yeye mulahi; Tsimoni tsitsyo tsi veye kuli tsya amakuulu.

¹⁶Henza, ive u veye mulahi ligali, muyanze wange, yee, wokuyanzidza: Kitali kyetu ki veye kyeligondo lyobulimu.

¹⁷Miyaliru gyenyumba yetu ni gyi mitaragwa, Na miguliru gyetu ni gya mutaragwa.