Read lulogooli Lwimbu lwa Solomoni 6 Bible Online

Lwimbu lwa Solomoni 6 - lulogooli bible

Lwimbu lwa Solomoni 6

¹Muyanze wowo a tsiye haliha, O ive mulahi kuvita avandi avakana? Muyanze wowo a vodonkana haliha, Kwinye ku duke kumwenya halala nive?

²Muyanze wange a sulunguti mu mulimi gwigwe, Kutsia ku tsinkumbi tsyevifunyanga mwayu, A lie vyokulia mu mulimi zana nokwagula vimuli vyobulavidzu.

³Mbeye womuyanze wange, nomuyanze wange a veye wange: Yayanga kyayo kikye kyamagondi hagati hobulavidzu.

⁴U veye mulahi ligali, O muyanze wange, kuli Tiriza, U veye wokuyanzidza kuli Yerusalemi, Wokutihidza kuli lihe li veye netsibendera.

⁵Girunkannya tsimoni tsitsyo tsi vule kumbenza, Kigira tsi nguuti. Lisu lilyo li veye kuli kyayo kyetsimbuli, Tsi lolekanga ku luvega lwekigulu kya Gileadi.

⁶Amino gogo ga veye kuli kyayo kyamagondi manyavuli Ganegiranga kutwula mu lisingwa; Aga veye sa lilala navana vamalongo, Kandi si ha veye nelilala hagati hago lyomwana walyo a kudza mba.

⁷Bweni bubwo bu veye kuli kidonye kyelikomamanga Imugongo wobwasasu bubwo.

⁸Va veye ho avakali vomwami makumi gatano nelilala, na vasuria amakumi gatano na gavaka, Navakana vagima ava ta valika.

⁹Likuulu lyange, mudukiru wange, a veye mulala yeng'ine; A veye mkana muderwa ku mama wewe; A veye mutovole wa uyu wa mwivula. Avakana va mu lola, na va mu gulika umugasidzwa; Yee, avakali vomwami navasuria, va mwidzominya.

¹⁰Ni bwaha uyu mukali u henzererange kuli umugamba, Umulahi kuli mweli Umunifu kuli liuva, Wokutihidza kuli lihe lyetsibendera?

¹¹Nda sulunguta kwingira mu mulimi gwemisala gyamakuyu, Nduke kulola vyamera vivisi vyomivona, Ndole muzabibu ni gu va ni gu sibukanga, Kandi mikomamanga ni gyi va ni gyi veye nevimuli.

¹²Lwa nkikiri kumanya, mwoyo gwange gwa mbika Hagati ha magari gavandu vange avanene.

¹³Wirane, wirane, O Mushulam; Wirane, wirane, ku duke kukuhenza. Mu la henza Mushulam uyu kigira ki, Kuli kuhenza ubukino bwa Mahanaim?