Read lulogooli Lwimbu lwa Solomoni 7 Bible Online

Lwimbu lwa Solomoni 7 - lulogooli bible

Lwimbu lwa Solomoni 7

¹Virenge vivyo vi veye vilahi kuli ndi mu vilatu, O mukana womunene Tsinyengo tsyekikenge kikyo tsi veye kuli viju vyethahabu, Miyinzi gyamakono gomuyinziri musidza.

²Inkovu yoyo i veye inzekuyungu, Yewaini i tsuganywa i vulanga kugeha mu: Inda yoyo i veye kuli kitumi kyengano I kumbiridzwa nobulavidzu.

³Tsimbeere tsitsyo tsyombi tsi veye kuli visusu visoleli viviri Vi veye avana vamalongo vekisusu

⁴Ligoti lilyo li veye kuli kitaradzi kyamino genzogu: Tsimoni tsitsyo tsi veye kuli madavalia ga veye mu Heshibon, Himbi nekiribwa kya Bathrabim; Amolo gogo ga veye kuli kitaradzi kya Lebanon Ki henza ku luvega lwa Damasko.

⁵Mutwe gugwo ku ive gu veye kuli Karimeli Na lisu lyo ku mutwe gugwo li veye kuli kiforosadi; Mwami u gumeywi u boheywi ku lisu.

⁶U veye mulahi kuli ndi nowoku yanzidza O muyanze, kigira vindu vyokusangalidza

⁷Ubutambi bubwo yibu bu veye kuli musala mukindu, Na tsimbeere tsitsyo tsi veye kuli visaganyi vyagwo.

⁸Nda vola, Nda nina ku mukindu, Nda gumira amatu gagwo: Na tsimbeere tsitsyo tsi ve kuli visaganyi vya muzabibu, Na malusu gomwiko gugwo ga veye kuli malusu gomuchungwa,

⁹Na munwa gugwo gu ve kuli iwaini indahi ligali Yikanga kigira muyanze wange, I vitanga mu minwa gya yavo ava gonanga.

¹⁰Mbeye womuyanze wange; Na lyenya lilye li veye ku inze.

¹¹Hamba, muyanze wange, ku tsie mmulimi; Ku gone mu tudala.

¹²Kwanegire mabwebwe ku tsie mu milimi gyemizabibu; Ku henze mizabibu ni gu va nigu sebuki, Nokulavidza vimuli vyagwo Kandi makomamanga ni ga va ni ga lavidzi: Ha zana yaho nda ku hera ho buyanzi bwange.

¹³Makuyu gombulimu ga letanga malusu malahi; Ha miliango gyetu ha veye namakuyu agobuguli budinyu tsing'ano tsyosi, malala mahya na gandi makulu Ga nku vikiye, O muyanze wange.