Read lulogooli Isaya 11 Bible Online

Isaya 11 - lulogooli bible

Isaya 11

¹Na ki la sibuka kisibu ku kitinya kya Jesse, no lusya lu twula ku imiri gyakyo lu laama makuyu.

²Roho wa Yahova a likala kuye, roho wobugeeri nelimanya, roho welivola nowetsingulu, roho welimanya na wokutia Yahova.

³Na liya nzeka lilye li la va ku litia Yahova; naye si a la kalaga ku lilola lyetsi moni tsitsye, kandi si a la tovola ku lyelihulira lyamatu gege;

⁴navutswa a la kalagira avadaka nageligali, navegehidzi velirova a la va kalagira nobulungi; na a la kuya lirova nempi mbo yomunwa gwigwe; nokwiita avadamano nomwika gwomu minwa gyigye.

⁵Musipi gwomulwena lwilwe gu la va ubulungi, nomusipi gwekikenge kikye gu la va ubusuuvirifu.

⁶Kandi kisalong'ongo ki In menya halala no mwana weligondi, ne engo i la gona halala nekimeme; nekimoli neking'ang'a kisoleli nekinetu vi la va halala; nomwana mukekeke a li vyemirira.

⁷Ing'ombe neduba vi laya halala; vimoli vyavyo vi la gona halala; na king'ang'a ki laya bunyasi kuli ing'ombe.

⁸Na mwana u nu nanga a la kina ku mwanka gwenzoka, nomwana wa luguhira a la vika mukono gwigwe mu luhangaywa lwekihirigoma.

⁹Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

¹⁰Ga la va ku lidiku yilyo, kitinya kya Jesse, ki singiranga kuva kilolekidzu kyavandu, tsihiri tsi la tsia ku uyu; na hokusosa hehe ha la va ho ubukumi.

¹¹Ga la va ku lidiku yilyo, Yahova a la hila mukono gwigwe hali kaviri a duke kandi kunyola avandu veve va tigala, kutwula Asuria, nokutwula Egepeti, nokutwula Pathrosi, nokutwula Kushi, nokutwula Elam, nokutwula Shinaru, nokutwula Hamathu, nokutwula mu visulu vyomu inyanza.

¹²Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

¹³Imbodoka ya Efiraim i la twula, na yavo ava tindira Yuda va la twulidzwa: Efiraim si va la kendekera Yuda, na Yuda si va la tindira Efiraim.

¹⁴Na va la buluka hasi nokuduka ku mavega ga Vafilisiti ku luvega lwemadioli; navo halala va lononnya avana vevugwe: va la nyira mukono gwavo ku Edom na Moabu; na vana va Amon va la va hulira.

¹⁵Yahova a la dividza mukono gwe nyanza ya Egepeti; noku imbuudza yeye i sambanga a la sung'usira mu kono gwigwe ku Mugera, na a la gu kuya nokugwavukannya gu ve migera gyitano ne gyiviri, nokuvaha lya mbuka nevirenge vi ta nyola amadzi.

¹⁶Kandi lihasi li la va ho lyavandu veve va tigala, ava twulanga Asuria; kuli lya li lya Israeli mu lidiku lya yanegira kutwula mu kivala kya Egepeti.