Read lulogooli Isaya 15 Bible Online

Isaya 15 - lulogooli bible

Isaya 15

¹Ubuliduhu bwa Moabu. Kigira mbudiku bulala Ari lya Moabu lyononnywa, nokuheridzwa kigira mbudiku bulala Kiri lya Moabu lyononnywa, nokuheridzwa.

²Vanegira kutsia Bayithu, na Dibon kuduka hadiguluku, kulira; Moabu va kupira tsikwili, ku Nebo, noku Me deba; vyavusu vi veye ku mitwe gyavo vosi, tsinderu tsyosi tsi ve geywi.

³Vevika tsingubo tsyama gunia mu mahasi gavo; ku tsinyumba tsyavo igulu, nomu migidzi gyavo, sa mulala va kupanga tsikwili, nokusu nduka maliga.

⁴Heshibon li liranga kandi, na Eleale; mwoyo gwavo gu hulirwa kuduka Jahazu: kigira yaga avandu vasatsa va Moabu ava li nevyuma, va kupa tsikwili ligali; mwoyo gwigwe gu degera muye.

⁵Mwoyo gwange gu kupa tsikwili kigira Moabu; avanene veve virukira Zoaru, na Egilathushelishiya: kigira yavo vanegira nokulilira ku kyanegiru kya Luhithu; kigira ku inzira ya Horonaim va ginga lilira lyobwoneku.

⁶Kigira amadzi manyingi aga Nimrim ga la lekwa geng'ine; kigira bunyasi bwumi, ubunyasi budoto bugehi, si ha veye nekindu kivisi kali kilala.

⁷Kigira yaga ubunyingi bwa venyolera, na vyosi vya va vika, va la ginga va tsia navyo kuduka ku mugera gwemisala gyi hunamirira.

⁸Kigira lilira yilyo li duki mu tsinzako tsya Moabu tsyosi; netsi kwili tsyalyo tsi duki Egilaim, na tsikwili tsyalyo tsi duki Beerelim.

⁹Kigira amadzi gosi ga Dimon gizula masahi; kigira nda leta agandi kandi ku Dimon, king'ang'a ku uyu wa hona mu Moabu, noku yava avekivala ava tigala.