Read lulogooli Isaya 16 Bible Online

Isaya 16 - lulogooli bible

Isaya 16

¹Mu hile avana vamagondi avaveye ku uyu wameha mu kivala kutwula Sela kuduka migendanyama, kuduka mkigulu kyomukana wa Zioni.

²Kigira ga la va, kuli manyonyi ga voyavoyanga, kuli tsinyu mba tsyamanyonyi tsya sambulwa, ni ndiyo avakana va Moabu va la va ha tsinyambuku tsya Arnon.

³Mu lombe makuva, mu singeridze likalaga; u kole kiriri kikyo ki ve kuli ubudiku hagati hombasu; u vise avakungwa; u vule kuzama mwiruki.

⁴U leke avandu vange va kungwa va menye halala nive; ku makuva ga Moabu, u ve kyokwivisa mu kuye imbiri wetsimoni tsya uyu u dividzanga. Kigira uyu u tungidzanga budinyu u mali kudividzwa, lidividzwa li heri, avadambidzi va divi va twuli mu kivala.

⁵Na intebe vobwami i la dinyeridzwa mu tsimba basi; nomulala a likala ku intebe yeyo mu geligali, mu lihema lya Daudi, kukola likalaga, nokwenya bulungi mwangu wokukola ubulungi.

⁶Kwa hulira makuva goluyai lwa Moabu a veye woluyai lunyingi; kali lyegingira lilye, noluyai lwilwe, nobu tima bwibwe; lyevola lilye si li veye kindu.

⁷Kigira yaga Moabu a la kupira Moabu tsikwili, sa mulala a la kupa tsikwili: va la syoma kigira muse gwa Kiriharesethu, va duywa ligali.

⁸Kigira milimi gya Heshi bon gyi niyaye, na mizabibu gya Sibima; avanene vetsihiri va vunannya tsisya tsintovole tsyagyo, gya duka kali ku Jazeri, gya voyavoya kuduka mu kyangalangwi; visibu vyagyo vya tavalala, vyambuka inyanza.

⁹Kigira yaga inze nda lira ku lilira lya Jazeri kigira muzabibu gwa Sibima; nda ku sama namaliga gange, O Heshibon, na Eleale: kigira oluku lwobuluani lu gwiye ku makuyu gogo genyinga yoluya noku ligesa lilyo.

¹⁰Ubu sangali bu twulidzeywi, nobuyanzi bu twulidzeywi mu mulimi gwama ligali; kandi mu kizabibu si ha la va nelyimba mba, kinga myoyo gyobusangali: mu vyokumina vyewaini, si ha veye noduvaganga; mmali kuheri dza lwanga lwa va duvaga.

¹¹Kigira yaga mutima gwange gu twulidzira Moabu lihirigana kuli ubukana, ne vyanda vyange vi lilira Kiriherezu.

¹²Na ga la duka, lwa Moabu yevu ngidza mwene, lwa yeluhidza mu hadiguluku, nokutsia hatakatifu hehe kusaala, si a la nyola liguuta mba.

¹³Yili ni likuva lya Yahova ya vola ku Moabu mu madiku ga vita.

¹⁴Navutswa kalunu Yahova u voye, a vola, Mu mihiga gyivaka, kuli gya li mihiga gya uyu wa lagwa, ubukumi bwa Moabu bu la vikwa mu lilegwa, halala nelivugana lilye linenenelitigala lilye li la va likekeke ligali na si li la va kindu.