Read lulogooli Isaya 17 Bible Online

Isaya 17 - lulogooli bible

Isaya 17

¹Ubuliduhu bwa Damasko. Henza, Damasko li twulidzeywi li vule kuva lidala, li la va kitumi kyevyanyi.

²Madala ga Aroeri ga lekwa; ga la va gevyayo vyamagondi ga gona yo, na si ha veye na u nyala kugatihidza.

³Na impinga i la hera mu Efiraim, nobwami bu la hera mu Damasko, na litigala lya Siria; va la va kuli ubukumi bwavana va Israeli, Yahova wa mahe a vola.

⁴Na ga la duka mu lidiku yilyo, ubukumi wa Yakobo bu la gehidzwa, nobukomeru bwomubiri gwigwe gu la ng'aha.

⁵Na ga la va kuli lwa mugesi a gesanga ubuswage bu singi ranga, nomukono gwigwe gu kalaganga vyang'ala; yee, ga la va kuli lwa mundu a dolanga vyang'ala mu luvuva mivona lya Refaim.

⁶Halala na yaga vyang'alika vi la tigala mu, kuli lisung'usa mizeituni, tsinzoli tsi viri, kinga tsivaka ku isonga yolusya igulu ligali, tsinzoli tsine kinga tsitano ku tsisya tsyekyova tsyomusala gwa manga ligali Yahova, Nyasaye wa Israeli a voia.

⁷Mu lidiku yilyo avandu va la henza Mulombi wavo, netsimoni tsyavo tsi la lola Mutakatifu wa Israeli.

⁸Navo si va la henza ubwali, miyinzi gyamakono gavo; kandi si va la lola aga va kola nevidete vyavo, misala gyemiluka, kinga vifwananyi vyeliuva.

⁹Mu lidilsu yilyo madala gavo getsingulu ga la va kuli aha lekwa mugati mwomulitu noku isonga yekigulu, ha lekwa imbiri wavana va Israeli: na ha la va hatswa.

¹⁰Kigira wivireye Nyasaye wobuhonyi bubwo, na si widzulitsa lwanda lwetsingulu tsitsyo; kigira yaga wa simiki misala gyo kuyanzidza, nokusimika visebu vi geni.

¹¹Mu lidiku yilyo lya wa simika wa kumbiridza nolwevo, na mugamba wa lomba bugutsa bubwo bu lavidze vimuli; navutswa ligesa liruka mu lidiku lyobuvereri nelyobusaliri ubunene.

¹²Ai umuliviti gwavandu vanyingi, va fumanga kuli liluma lyenyanza inene; nelisalama lyetsihiri, tsi salamanga kuli lisalama lyamadzi manene

¹³Tsihiri tsi la salama kuli lisalama lyamadzi manene: navutswa uyu a la va gondokera, navo va liruka kutsia ihale, na va la kungwa kuli mukuudzi gwirukidzangwa mu vigulu imbiri wembuudza, na kuli lugukyi lu duminywa mu kihudzudzi.

¹⁴Inyinga ya mgolova, henza, litihidza; kandi imbiri womugamba si va ve ho. Yiki nikyo kidieli kyavo, yavo avononyanga kwinye, kidieli kyavo, yavo ava ku nuula.