Read lulogooli Isaya 20 Bible Online

Isaya 20 - lulogooli bible

Isaya 20

¹Mu muhiga gwa Taritan ya duka Ashidodi, inyinga Sarigon mwami wa Asuria ya mu tuma, na ya lwana na Ashidodi na a li guuta;

²inyinga yeyo Yahova ya vola nomunwa gwa Isaya mwana wa Amozu, na a vola, Tsia, u navule ingubo yeligunia kutwula mu kikenge kikyo, na u twulidze kilatu kikyo ku kirenge kikyo. Na ya kola ndiyo, na ya genda kyahonyo nevirenge vyere.

³Na Yahova ya vola, kuli mutumwa wange Isaya ya genda kyahonyo ne virenge vyere mihiga gyivaka kuva kilolekidzu nekyokugenya ku Egepeti na ku Ethiopia;

⁴ni ndiyo mwami wa Asuria a la hila avahambe va Egepeti, na valanywa va Ethiopia avasoleli na vasakulu, avekyahonyo na avevirenge vyere, na madako gavo ku bulavu, ku lileganywa lya Egepeti.

⁵Na va la va nobutii netsisoni, kigira Ethiopia kya li kisuuviri kyavo, na Egepeti kya li ubukumi bwavo.

⁶Uyu u menyanga mu kivala kyo luginga yilu a la vola mu lidiku yilyo Henza, yili ni lisuuvira lyetu, ha kwirukira yo kukonywa ku mwami wa Asuria: na kwinye ku la honera ku inzira ki?