Read lulogooli Isaya 22 Bible Online

Isaya 22 - lulogooli bible

Isaya 22

¹Ubuliduhu bwelivona lya malola. U veye na ki kalunu, kuduka wanegiye kutsia ligali ku visegese vyetsinyumba?

²O ive wizuye liha nzuka, lidala lyeliyoga, lidala lyelisangala: lyavandu vovo viitwa si viitwa nekivavi, kandi si va kudzira mu bulwani.

³Avamehanga vovo vosi viruka halala, avatumekiranga ubuta va va boha; avandu vovo vosi ava loleka va bofwa halala; viruka ni va tsia ihale.

⁴Kigira yaga nda vola, Girunkana mu ta henza inze nda lira ligali; u tinyangidza kuleminya inze mwoyo ku lyononnywa lyomukana wavandu vange.

⁵Kigira ni lidiku lyokukupa kivi, nokuduvagirwa hasi, nelyokugenya, lya Yahova a leti, Yahova wa mahe mu livona lyamalola; mu lisambulwa lyamadigi, nelyaniravigulu.

⁶Elam ya ginga imodia, halala na magari gobulwani gavandu va li nago, noku vaninanga tsiparasi; na Kiri ya vimbula ingavo.

⁷Na ga duka, ma vona gogo ama tovole gizula magari gobulwani, avanina ku tsiparasi navo velohidzira ha kiribwa.

⁸Naye ya twulidza kikuniko kya Yuda; nomu lidiku yilyo wa henza vyuma vyobulwani mu inyumba yomulitu.

⁹Na mwa lola ha sasuguka mu lidala lya Daudi, ha veye hanyingi ligali; na mwa vungidza amadzi gelidavalia lya hasi;

¹⁰na mwa validza tsinyumba tsya Yerusalemi, na mwa vunannya tsinyumba mu duke kudinnya lugaga;

¹¹kandi mwa lombera amadzi gelidavalia lya kale, lidavalia hagati hetsingaga. Navutswa si mwa henza uyu wa kola yaga, kandi si mwa ganagana uyu wa vi lalira kale.

¹²Mu lidiku yilyo Yahova, Yahova wa mahe, ya langa li ve ho lilira, nelisyoma, nokuvegwa mitwe, nokwivika tsingubo tsyamagunia:

¹³na vutswa henza, ubuyanzi nobusangali, nokwiita tsing'ombe nokwiita magondi, nokulia inyama nokunwa iwaini: Gendi ku lie nokunwa, kigira mugamba ku kudzanga.

¹⁴Yahova wa mahe yelolekidza mu amatu gange, Ligali ubudamano yibu si bu la samefwa kutwula ku mwinye mu luhe mu kudze, Yahova a vola, Yahova wa mahe.

¹⁵Yahova a vola, Yahova wa mahe ndi, U tsie, ku uyu u lindanga ubutugi, livola li veye, ku Shebina, u veye igulu ku inyumba, mmu volere,

¹⁶U kola ki hano? Na u veye na bwaha hano, kuduka weyaviye kilindwa hano? Kumweyavira kilindwa igulu, nokwevadzira mwene ubume nyomulwanda

¹⁷Henza Yahova a la ku syuva netsingulu, kuli mundu wetsingulu; yee a la ku lingalinga ligali.

¹⁸Ligaii a la ku naza noku kusikisa kuli mupira kuduka mu kivala kinene; na u la kudzira yo namagari gobukumi bubwo ga la va yo, ive u veye tsisoni tsyenyumba yomunene wowo.

¹⁹Na nda ku twulidza mbugono bubwo; nokukwikidza u twule ha u singiranga.

²⁰Ga la va mu lidiku yilyo, nda langa mutu mekiri wange Eliakim mwana wa Hilikia:

²¹nda mu vika ingubo yoyo yegulu, nokumuvika tsingulu nomusipi gugwo, na lyameha lilyo nda li vika mu makono gege, naye a la va dada ku yavo avamenyanga mu Yerusalemi, noku inyumba ya Yuda.

²²Na lufunguo lwenyumba ya Daudi nda vika mwivega lilye; na a ligula, na si ha veye na u hana; na a la hana na si ha veye nowigula.

²³Nda mu dinnya kuli musumari ha suuvira ngwa; na a la va intebe yobukumi mu inyumba ya dada wewe.

²⁴Navo va la sunga kuye ubukumi bwosi bwenyumba ya dada wewe, lwivulo nekisukululwi, viju vikekeke sa kilala, kutwula ku viju vyevikombe kuduka ku viju vyevikopo vyosi.

²⁵Mu lidiku yilyo musumari yigwo gwa dinyiridzirwa halahi gu la twula ho bugono bwagwo; Yahova wa mahe a vola, na gu la temagwa nokugwa hasi; na musigo gwa sungwa ku gu la twulidzwa; kigira Yahova ya vola.