Read lulogooli Isaya 51 Bible Online

Isaya 51 - lulogooli bible

Isaya 51

¹Mu hulire inze, mwinye avalondanga ubulungi, mwinye avenyanga Yahova: mu henze lwanda lwa mwa twula ku nelivadzwa, na lilina lyobogo bwa mu twulidzwa mu neliyavwa.

²Mu henze Abrahamu guga wenyu, na Sara wivula mwinye: kigira lwa ya li mulala nda mu langa nokumugasidza, nokumukola a ve avanyingi.

³Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

⁴Mu hulire inze, mwinye avandu vange; mu tegidze amatu ku inze, mwinye avehiri yange: kigira lilaga li la twula ku inze, na nda kola likalaga lyange li hindiranga li gwe ubulavu bwavandu.

⁵Ubuhonnyi bwange bu veye ahimbi, ubuhonnyi bwange bu twuli, na makono gange ga la kalagira avandu; na visulu vi la lindi rira inze, vi lidira ku mukono gwange.

⁶Mu ginge tsimoni tsyenyu mu henze ligulu, kandi mu henze kivala kya hasi; kigira migulu mu la vuya kuli mwoki, na kivala ki la kunguha kuli ingubo, na va menyanga ku va la kudza kuli ndiyo: navutswa ubuhonnyi bwange bu la va bwemihigane mihiga, nobulungi bwange si bu la tsyomwa hasi.

⁷Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

⁸Kigira isere i la va lia kuli i litsanga ingubo, na ing'ende i la va lia kuli i litsanga ubwoya bweligondi; navutswa ubulungi bwange bu la va bwemihiga nemihiga, nobuhonnyi bwange bu la duka ku makula gosi.

⁹Vuka, vuka, wivike ubunyali, O mukono gwa Yahova; vuka, kuli ga li mu madiku ga kale, mu makula goku matsyambiri. Si a li ive wa kalaga Rahabu vidonye, nokuhudula gunani?

¹⁰Si a li ive wa kaminya inyanza, amadzi goluliva lunene; kya kola ululiva lwenyanza kuva inzira yavatungirwa va vite kuyo?

¹¹Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

¹²Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

¹³nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

¹⁴Wadiki dzwa muhambe a la bohololwa bwangu: naye si a la kudza mba nokwika mbogo, na vyokulia vivye si vi la geha mba.

¹⁵Kigira inze mbeye Yahova Nyasaye wowo, u goyanyanga inyanza, kuduka viguvuli vyayo vi bume: lieta lilye li veye Yahova wa mahe.

¹⁶Na mbiki makuva gange mu munwa gugwo, na nku kingi nekiriri kyomukono gwange, nduke kusi mika ligulu, nokutema muse gweli rova yili, nokuvolera Zioni, Ive u veye avandu vange.

¹⁷Vuka, vuka, singira, O Yerusa lemi, ive u nweye mmukono gwa Yahova kikombe kyobutima bwibweive u nweye amaseke gekikombe kyokukudegeridza, nokukikamulula.

¹⁸Si ha veye nomulala mu vayai vosi ava wivula wa limirira; kandi si ha veye nomulala wa mu gumira mukono mu vayai vosi ava u leri.

¹⁹Vindu yivi vyombi vi ku gwiye; ni bwaha u li vererera ive? Lyeseganwa nobwo neku, nenzala, nekivavi; nda ku lemi nya mwoyo kuli ndi?

²⁰Avayai vovo va kudza myoyo, va gonanga mu viheri vyamahasi gosi, kuli imboongo mu mutego; vizuye ubutima bwa Yahova, ligondoka lya Nyasaye wowo.

²¹Kunangwa kigira yaga hulira likuva yili, ive wokusaliridzwa, wa hambika, navutswa si ga veye newaini:

²²Mwami wowo Yahova, Nyasaye wowo u verera avandu veve makuva gavo, a vola, Henza, inze ntwulidzi ku mukono gugwo kikombe kyokudegeridza, na maseke gekikombe kyobutima bwange; ive si u la nwa ku yiki kandi mba:

²³nda ki vika mu makono ga yavo ava dambidzanga ive, ava volera mwoyo gugwo, Yinama hasi, kuduka ku sirire ku ivena ive u vike mugongo gugwo kuli marova, kuli inzira, ku yavo ava vitanga ku ive.