Read lulogooli Isaya 58 Bible Online

Isaya 58 - lulogooli bible

Isaya 58

¹Kupa lwanga, u ta gaya mba, hanzuka nomwoyo gugwo kuli kisiliva, wilwadzire avandu vange lihyolo lyavo, noku inyumba ya Yakobo, ubwoni bwavo.

²Navutswa venyanga inze madiku gosi, na va yanzanga kumanya tsinzira tsyange: kuli ihiri i kolanga bulungi, na i vula kuleka amalago ga Nyasaye wavo, va teva ku inze makalago gobulungi; va yanza kwisunda himbi ku Nyasaye.

³Va vola, Kigira ki kwinye kuhonga lilia, na ive si u lola? Kigira ki kwedambidza avene, na ive si u lola? Henzi, mwinye, mu lidiku lyenyu lyokuhonga lilia mweyanzidza mwinye avene, nokuniga miyinzi gyenyu gyosi.

⁴Henza, mu honga lilia kigira lihangala nelihing'ana, nokuduya na inkusi yobudamano: si mu honganga lilia lero kuduka myoyo gyenyu gyi hulirwa migulu.

⁵Lihonga lilia kuli yili li veye kuli nda tovola? Iidiku lyomundu a dambidze mwoyo gwigwe? Yili nelinaminya mutwe gwigwe kuli lihunzu, nokuvika magunia neligoke isi wewe? U la langa yaga ga veye lihonga lilia, na lidiku lya Yahova a bugirira?

⁶Yili si li veye lihonga lya inze ntovola: kuboholola vibohero vyobudamano, kudendeyidza vibohero vyenira, kuleka yavo avadambidzangwa, va ve avaboholole, kandi mu vunannye tsinira tsyosi?

⁷Si ga veye kugavulira vyokulia vivyo ku yavo ava veye nenzala, nokuleta mu inyumba yoyo avadaka ava kungwa kyova? Lwa u lola mundu u veye kyahonyo, u mu vike ingubo; kandi u tevisa ive mwene ku yava ava veye avovo?

⁸Hene yaho ubulavu bubwo bu la kya kuli mugamba, na lihonywa lilyo li la sebuka bwangu: nobulungi bubwo bu limirira imbiri wowo; nobukumi bwa Yahova bu la ku londa.

⁹Kunangwa u lanira, na Yahova a la bugirira; u la kupa lwanga, naye a la vola, Mbeye hano. Nu u va nu u twulidza hagati hoho inira, neligeragera kidete, nelivola lyobudamano;

¹⁰kandi nu u va ni wehaana ive mwene kuvererera wenzala, nokwigutidza mwoyo gudambidzangwa: hene yaho ubulavu bubwo bu la vuka mkisundi, nekisundi kikyo kinene ki la va ku]i mbasu hagati;

¹¹na Yahova a la kwimirira kazozo, na a la kwigutilza mu hosi ha ta veye namadzi, nokuvika vigumba vivyo tsingulu; na u la va kuli mulimi gwa samwa amadzi, na kuli kisenukiru kyamadzi, kya amadzi gakyo ga vula kukama.

¹²Na yavo ava duka kuva avovo va lombaka mu vyanyi vya kale vya lekwa vutswa; u la singeridza mise gya makula manyingi; na u la gulikwa Mulombi wa ha sasuguka, na Mwirannyi wetsinzira tsyelimenywa.

¹³Nu u girunkannya kirenge kikyo kuleka lisabato, kuleka likola lya yaga ga yanzidzanga ive ku lidiku lyange litakatifu; nokulanga lisabato lilahi, nelitakatitu lya Yahova, lyokwidzominywa; na ive u la lidzominya, nokuvula kukola tsinzira tsitsyo mwene, kinga kwenya aga yanzidzanga ive mwene, kinga kuvola makuva gogo mwene:

¹⁴hene yaho u leyanzidza mu Yahova; nda ku nyinnya ahadiguluku helirova; na nda ku lihidza miyandu gya Yakobo guga wowo: kigira munwa gwa Yahova gu mali kuvola yaga.