Read lulogooli Isaya 6 Bible Online

Isaya 6 - lulogooli bible

Isaya 6

¹Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

²Vaserafi (va vita tsingelosi tsingulu) va singira igulu waye: sa mulala ya li netsimbaha tsitano na lilala; tsiviri yekunika mmoni, na tsiviri yekunika virenge, na tsiviri ya bulukira.

³Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe.

⁴Na mise gyemilia ngo gya degera kigira mwoyo gwa uyu wa vola, na inyumba yizula mwoki.

⁵Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.

⁶Nonoho mulala ku vaserafi ya buluka ni yadza ku inze, naye ya li nelianda lyomuliru mu mukono gwigwe, lya ya vugula ne kigumiriru ku twula ku bwali:

⁷na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi.

⁸Kandi nda hulira mwoyo gwa Yahova, na a vola, Nda tuma bwaha, na ibwaha a la ku tsiira? Hene yaho nda vola, Mbe hano, u ntume.

⁹Naye ya mbolera, Tsia, u volere avandu yava, Mu hulire ligali, navutswa mu ta manya; mu henze ligali, navutswa mu ta lola mba.

¹⁰Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

¹¹Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere,

¹²na Yahova a va hile ihale ligali, na ha lekwa vutswa ha la va hanyingi mu kivala.

¹³Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.