Read lulogooli Isaya 64 Bible Online

Isaya 64 - lulogooli bible

Isaya 64

¹Nkano watannya ligulu, nokwika hasi, vigulu vi duke kudegera imbiri wowo,

²kuli lwa muliru gu sambanga luvonga lwomu mulitu, na muliru gu viridzanga amadzi; kuduka kuvuulira avasigu vovo lieta lilyo avetsihiri va duke kudegera imbiri wowo

³Lwawakolavyokutihidza vya kwa vula kuvihenzerera lwa wika hasi, vigulu vya degera imbiri wowo.

⁴Kigira kutwula kale ava ndu va vula kuhulira, kandi si va manya na amatu, kandi imoni si ya lola Nyasaye wundi, lugano ku ive, u kolera uyu u mu lindiranga miyinzi.

⁵Ive u vugananga na uyu u sangalanga nokukola ubuhmgi, yavo avidzulitsanga ive mu tsinzira tsitsyo: henza, wa li nobutima, na kwinye kwa kola ubwoni: kwa li mubwo tsinyinga tsinyingi; ku la honywa?

⁶Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

⁷Kandi si ha veye nomulala waniranga lieta lilyo, wetsuvanga a gumire ive: kigira u visi mmoni mumwo ku kwinye, nokukudividza nobudamano bwetu.

⁸Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

⁹U ta vihirirwa ligali mba, O Ya hova, kandi u tidzulitsa ubwoni madiku gosi: henza, u lole, ku ku saala, kwinye kwosi ku veye avandu vovo.

¹⁰Madala matakatifu gogo ga gwiye kyangalangwi, Zioni li gwive kyangalangwi, Yerusalemi li gwiye hatswa.

¹¹Inyumba yetu intakatifu indahi, ya vaguga vetu va kwidzominyira mu, i mali kuhya; nevindu vyetu vyokuyanzidza vi dividzeywi.

¹²U legaya ku vindu yivi, O Yahova? U la kiring'ana, noku kudambidza ligali?