Read lulogooli Kyavalevi 10 Bible Online

Kyavalevi 10 - lulogooli bible

Kyavalevi 10

¹Na Nadabu na Abihu, avana va Haruni, va vugula sa mulala kituva kikye, nokuvika ku muliru, nokuvika ku kimuli, na va haana muliru mugeni imbiri wa Yahova, gwa ta va laga.

²Ma muliru gwa twula imbiri wa Yahova, ni gu va samba, ni va kudza imbiri wa Yahova.

³Hene yaho Musa ya volera Haruni, Yiyi ni inkuva ya Yahova ya vola, na a vola, Nda takaswa mu yava avisunda himbi ku inze, na nda kuminywa imbiri wa avandu vosi. Na Haruni ya kiring'ana.

⁴Na Musa ya ianga Mishaeli na Elizafan, avana va Uzieli ise muke wa Haruni, na a va volera, Mwesunde himbi, mu ginge avarnwavo venyu kuvatwulidza imbiri wa hatakatifu mu va hile kyova wa hokusosa.

⁵Ma visunda himbi nokuvaginga, va li mu makoti gavo, ni va va hila kyova wa hokusosa; kuli Musa ya vola.

⁶Na Musa ya volera Haruni na Eleazaru, na Ithamaru, avana veve, Mu ta kunula mitwe gyenyu, na mu ta tandula tsingubo tsyenyu; mu vule kukudza, gase ubutima bu la duka ku livugana lyosi: navutswa avamwavo venyu, inyumba yosi ya Israeli, va syome lisamba lya Yahova ya fwana.

⁷Kandi mu ta twula mu kiliango kyelihema lyokuvuganira mu, gase mu la kudza; kigira maguta gokuvaka ga Yahova ga veye ku mwinye. Navo va kola kuli likuva lya Musa.

⁸Na Yahova ya volera Haruni, nokuvola,

⁹U ta nwa iwaini, kinga kyokuhambikidza, ive, kinga avana vovo halala nive, lwa mwingira mu lihema lyokuvuganira mu, mu vule kukudza: yili li la va lilaga lyemihiga nemihiga mu visukululwi vyenyu vyosi:

¹⁰mwavukannye hagati hobutakatifu na bu ta li butakatifu, na hagati hobudamano na bulahi;

¹¹kandi kuduka kwegidza avana va Israeli malago gosi ga Yahova ya va volera nomunwa gwa Musa.

¹²Na Musa ya volera Haruni, na Eleazaru na Ithamaru, avana veve ava tigala, Mu vugule ubusie bu tigala ku vihaanwa vya Yahova vya lomberwa nomuliru, mu bu lagire bugira kuvikwa mamera, himbi nobwali; kigira bu veye butakatifu ligali;

¹³na mu la bu lagira mu hatakatifu, kigira ki veye kidieli kikyo, na kidieli kya avana vovo, mu vihaanwa vya haanangwa nomuliru ku Yahova: kigira ni ndiyo ndagiywi.

¹⁴Na indasi yokuhungudzwa, na kinama kyokudigululwa mu la vi lira mu halahi, ive, na avayai vovo, na avakana vovo halala na ive: kigira u hebeywi yivi kuva kidieli kikyo, na kidieli kya avayai, vovo, mu vihaanwa vi letwa kuva vihaanwa vyemirembe vya avana va Israeli.

¹⁵Kinama kyokudigululwa na indasi yokuhungudzwa va la leta halala na vindu vi haanwa nomuliru vyetsitinya, kuvihungudza vi ve kihaanwa kyokuhungudzwa imbiri wa Yahova: vi la va vivyo, na vya avana vovo halala na ive, vi ve kidieli mihiga nemihiga; kuli Yahova ya laga.

¹⁶Na Musa yenya ligali imbuli yekihaanwa kyobwoni, na henza, ya li ni i sambwa: na ya vihirirwa Eleazaru na Ithamaru, avana va Haruni ava tigala, na a vola,

¹⁷Kigira ki mu vuli kulia kihaanwa kyobwoni hango hatakatifu, kigira ki veye kitakatifu, Naye ya mu ha mu duke kuginga lihyolo lyelivugana, kuvalombera kyokukunika kyobwoni imbiri wa Yahova?

¹⁸Henza, masahi gakyo si ga letwa mu hatakatifu: ga mu dukira kukilia mu hatakatifu, kuli nda laga.

¹⁹Na Haruni ya voiera Musa, Henza, lero va haani kihaanwa kyobwoni kyavo, na kihaanwa kyokusambwa kyavo imbiri wa Yahova; na inkuva kuli yivyi ya ngwira: na inze ni mba u liye ki haanwa kyobwoni lero, ngano kya ka va inkuva yokuyanzidza imbiri wa Yahova?

²⁰Na Musa lwa ya hulira yaga, ga li malahi imbiri wetsimoni tsitsye.