Read lulogooli Kyavalevi 27 Bible Online

Kyavalevi 27 - lulogooli bible

Kyavalevi 27

¹Na Yahova ya volera Musa, na a vola,

²U volere avana va Israeli, na u va volere, Lwa mundu a singeridza lilagana mwene, avandu va la va ku Yahova kuli livalidza lilyo.

³Na iivaiidza lilyo ii ia va ku musatsa wemihiga makumi gaviri kuduka ku mihiga makumi gatano na lilala, livalidza lilyo li la va tsishekeli makumi gatano tsyefetha, kuli tsishekeli tsya hatakatifu.

⁴Kandi l na a va na a veye wekikali, livalidza lilyo li la va tsishekeli makumi gavaka.

⁵Kandi na a veye wemihiga gyitano kuduka mihiga makumi gaviri, ma livalidza lilyo li la va tsishekeli makumi gaviri ku musatsa, na tsishekeli likumi ku wekikali.

⁶Kandi na a va wokutwula mweli mulala kuduka mihiga gyitano, ma livalidza lilyo li la va ku musatsa tsishekeli tsitano tsyefetha, na livalidza lilyo li la va tsishekeli tsivaka tsyefetha ku wekikali.

⁷Kandi na a va wemihiga makumi gatano na lilala nokuvita; na a va na a veye musatsa, ma livalidza lilyo li la va tsishekeli likumi na tsitano, noku wekikali tsishekeli likumi.

⁸Navutswa na a va na a veye mudaka kuvita livalidza lilyo, ma a la vikwa imbiri womusalisi, na musalisi a la mu validza; kuli linyala lya uyu wa singeridza lilagana a la mu validza ndiyo.

⁹Kandi ni i va ni i veye inyama, yoku lugano lwa avandu va letera Yahova kihaanwa, ku tsyosi tsyomundu a letera Yahova, i la va intakatifu.

¹⁰Si a la gi girunkannya, kandi si a la gi kirannya, indahi mu bugono bwendamano, kinga indamano mu bugono bwendahi: na a va na kirannya inyama mu bugono bwenyama, hene yaho tsyombi tsya a kirannya tsi la va tsintakatifu.

¹¹Kandi ni i va ni i veye inyama i ta li inungi, yoku lugano lwa va ta haananga kuva kihaanwa ku Yahova, hene yaho a la vika inyama zana imbiri womusalisi;

¹²na musalisi a la gi validza, ni i va ni i veye indahi kinga i veye indamano: kuli ive musalisi u gi validza, i la va ndiyo.

¹³Navutswa na a va ni yenya kugiboholola ligali, a la meda kidieli kilala ku vitano ku livalidza lilyo.

¹⁴Na lwa mundu a takasa inyumba yeye i ve intakatifu ku Yahova, hene yaho musalisi a la gi validza, ni i va ni i veye indahi kinga indamano: kuli musalisi a gi validza, i la va ndiyo.

¹⁵Kandi uyu u takasa inyumba yeye, na a va ni yenya kugiboholola, a la meda kidieli kilala ku vitano kyefetha yelivalidza lilyo, na i la va yeye.

¹⁶Mundu na a va na a takasira Yahova kidieli kyomulimi gwigwe gwa a veye nagwo, hene yaho livalidza lilyo li la va kuli litagwa lyagwo: litaga lya ihomeri indala lyobugutsa bwa shairi livalidza lyagwo li la va tsishekeli makumi gatano tsyefetha.

¹⁷Na a va na a takasa mulimi gwigwe kutwula ku muhiga gwa jubili, kuli livalidza lilyo gu la singira ndiyo.

¹⁸Navutswa na a va na a takasa mulimi gwigwe inyima we jubili, hene yaho musalisi a la mu validzira ifetha kuli livalidza lyemi higa gyi tigaye kuduka ku muhiga gwa jubili; na livalidza lilyo li la gehidzwa.

¹⁹Na uyu wa takasa mulimi gwigwe, na a va ni yenya kuguboholola, hene yaho a la meda kidieli kilala kyevitano kyefetha ku livalidza lilyo, na gu la dinyiridzwa kuye.

²⁰Kandi na a va na a vula kuguboholola, kinga na a va na a gulidza mundu wundi, si gu la bohololwa kandi mba:

²¹navutswa mulimi gu la va mutakatifu ku Yahova, lwa gu twula mu jubili, kuli mulimi gwa vikwla; gu la va gwomusalisi.

²²Kandi na a va na a takasira Yahova gwa ya gula, gu ta va ku mulimi gwemiyandu gyigye;

²³musalisi a la mu validzira ubuguli bwelivalidza lilyo kuduka ku muhiga gwejubili, na ku lidiku yilyo a la haana kuli livalidza lilyo li veye, kuli kindu kitakatifu ku Yahova.

²⁴Mu muhiga gwejubili mulimi gu lirana ku uyu wa gwa gulwa ku, yee, ku uyu womulimi gu veye miyandu gyigye.

²⁵Na livalidza lilyo lyosi li la londa ishekeli ya hatakatifu: tsigera makumi gaviri tsi la va ishekeli indala.

²⁶Navutswa yokutanga kwivulwa mu tsinyama, ya vikwa kuva yokutanga kwivulwa kuva ya Yahova, ku vosi si ha li nomundu a nyala kukivika kuva kitakatifu; ni i va ni a veye ing'ombe kinga ligondi, i veye ya Yahova.

²⁷Ni i v a ni i veye inyama i ta li inungi, hene yaho a la gi boholola kuli livalidza lilyo li veye naye a la meda kidieli kilala kyevitano vyalyo: navutswa ni i ta bohololwa, hene yaho i la gulidzwa kuli livalidzwa lilyo.

²⁸Navutswa, ku vyosi kya vikwa, kyomundu avika kuva kya Yahova mu vyosi vya a veye navyo, ni ki va ni ki veye mundu kinga inyama kinga mulimi gwemiyandu gyigye si ki la gulidzwa, kandi si ki la bohololwa; kya vikwa kuva kya Yahova ki veye kitakatifu ligali.

²⁹Ku vyosi kya vikwa, kya avandu va vika, si ki la bohololwa mba; ligali ki liitwa.

³⁰Kandi izaka yosi yemilimi, ni i va ni i veye ubugutsa bwemilimi Ikinga ni i veye makuyu gomusala i veye ya Yahova: i veye intakatifu ku Yahova.

³¹Mundu na a va ni yenya kuboholola kilala kyezaka yeye, a la meda ku kidieli kyevitano.

³²Kandi izaka yosi yetsing'ombe na ya magondi, ku vyosi vya vita isi wempimbo, kidieli kilala kyelikumi ki la va kitakatifu ku Yahova.

³³Si a la henza ni ki va ni ki veye kilahi kinga ni ki va ni ki veye kidamano, kandi si a la kiranya mba: na a va na a kiranya ku vyosi, hene yaho vyombi, yiki na yiki vya kiranywa vi la va vitakatifu; si ki la bohololwa mba.

³⁴Yaga ga veye amalago ga Yahova ya laga Musa ku avana va Israeli mu kigulu kya Sinai.