Read lulogooli Jeremia 2 Bible Online

Jeremia 2 - lulogooli bible

Jeremia 2

¹Kandi likuva lya Yahova lya duka ku inze, kuvola,

²Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

³Israeli va li vata katifu ku Yahova, ubuhya bwelimedeka lilye: vosi ava li mu mira va la validzwakuva ne lihyolo; budamano bu la duka kuvo, Yahova a vola.

⁴Mu hulire likuva lya Yahova, O inyumba ya Yakobo, nobwiko bwosi bwenyumba ya Israeli:

⁵Yahova a vola, Avaguga venyu va loli ubukyamu ki mu inze, kuduka ni va tsia ihale ku inze, nokulonda vindu vya vutswa, navo va gwa avavutswa?

⁶Kandi si va vola, A veye haliha Yahova wa ku leta kwanegira kutwula mu kivala kya Egepeti; wa kwimirira mu kyangalangwi, hagati heligendanyama nobogo, hagati hekivala kyekimeyu na kyekiriri kyelikudza, hagati hekivala ki ta li nomundu u vitanga mukyo, kivala kyavandu va ta menya mu?

⁷Na nda mu vika mu kivala kyevyokulia vinyingi, mu duke kulia amakuyu gakyo nobulahi bwakyo; navutswa lwa mwingira mu kivala zana, mwononnya kivala kyange, nemiyandu gyange mwa gyi kola kyokuvihiriridza.

⁸Avasalisi si va teva, Yahova a veye haliha? Na va tumikiranga lilaga si va manya inze mba: avamehanga ve baala ku inze, navaprofeti va profeta na Baal, na va tsia kulonda vindu vi ta duka.

⁹Kigira yaga nda mu goonya, Yahova a vola, navana va avana venyu nda va goonya.

¹⁰Kigira mwambuke mu tsie mu visulu vya Kitim, mu lole; mu tume avandu va tsie Kedari, mu ganagane ligali; mu lole kindu kuli yiki ni ki va ni ki veye ho tsinyinga tsyosi.

¹¹Ihiri ya girunkannyaa avanyasaye vavo, ava ta veye avanyasaye? Navutswa ava ndu vange va girunkannya ubukumi bwavo ku kya vutswa.

¹²Mwinye ligulu, mu genye, kigira inkuva yiyi, mu ve nobutii ubunyingi, mu ve hatswa ligali, Yahova a vola.

¹³Ki gira avandu vange yava va koli ubudamano buviri: va leki inze u veye kisenukiru kyamadzi gelivamwoyo, navo vekongeye madavalia, madava lia aga dika, aga ta nyala kugumira amadzi.

¹⁴Israeli a veye mutumekiri? A veye mutugwa mwivule? Ya gwa mulanye kigira ki?

¹⁵Ving'ang'a visoleli vi fwumanga kuye, nokuloka; na vi koli kivala kikye kuva vutswa: mada la gege ga hiye, si ga veye navandu.

¹⁶Avana va Nofu na Tahapanahesu vatannyi lwote lulwo.

¹⁷Si welombera inkuva yiyi ive mwene, kigira u leki Yahova Nyasaye wowo, lwa ya li na a kwimiranga?

¹⁸Kalunu u veye na ki kya u kola ku inzira i tsitsanga Egepeti, kunwa amadzi ga Shihoru? Naho u veye na ki kya u kola ku inzira i tsitsanga Asuria kunwa amadzi go Mugera?

¹⁹Ubudamano bubwo mwene bu la kwirannya, nobugirunkanu bubwo bu la ku gondokera: u manye nokulola i veye inkuva indamano ligali nobululu, ya ive wa lekera Yahova Nyasaye wowo, kandi ku litibwa lyange si li veye mu ive, Yahova a vola, Yahova wa mahe.

²⁰Kigira inze mu madiku ga kale nda vunannya inira yoyo, nokukalanya vibohero vivyo; na ive wa vola, Si nda tumika mba; kigira winama, nokulonda ubuheyi ku kigulu sa kilala kitambi, na isi womusala sa mulala gwa matu mavisi.

²¹Navutswa nda li ni nda simika ive muzabibu mula hi, bugutsa ubulahi bwere: kunangwa ga li ndi ive u girunkani kuva visibu vi ta konya kindu, kyomuzabibu mu geni ku inze?

²²Kigira kali ni wesinga na magadi, nokwevugulira isabuni inyingi, navutswa ubudamano bubwo bwa ng'odwa imbiri wange, Mwami Nyasaye a vola.

²³U nyala ndi kuvola Inze si nda kolwa mudamano mba si nda londa Vabaal? Henza inzira yoyo ha livona, u manye aga wa kola: u veye ing'amia yetsimbiru i londanga tsinzira tsyalyo;

²⁴u veye isukiri yombulimu, ya nala migendanyama, i herananga mbuudza mu likayirwa lyayo; ku inyinga yeye ni bwaha u nyala ku gi girunkannya? Vosi ava gyenyanga si va liluhidza avene mba; va la gi nyola ku mweli gwayo.

²⁵Gaya kirenge kikyo gase ki la vula kuva nekilatu, nelidundu lilyo kuvula kuva nobuluhu. Navutswa ive wa vola, Si ha veye nelisuuvira mba; auwa, kigira inze nyanzi avageni, na nda va londa.

²⁶Kuli umwivi a veye isoni lwa a nyoleka, ni ndiyo inyumba ya Israeli i veye isoni; y avo, na avami vavo, navanene vavo, navasalisi vavo, na avaprofeti vavo;

²⁷yavo ava voleranga kitinya kyomusala, Ive u veye dada wange; nokuvolera ligina, Ni ive wa nzivula: kigira va nkupi migongo gyavo, si va viki mmoni mwavo ku inze mba; navutswa ku inyinga yekivi kyavo va la vola, Vuka, u ku honnye.

²⁸Navutswa avanyasaye vovo va wa lomba va veye haliha? Va vuke, ni va va ni va nyala kukuhonnya inyinga yekivi kikyo: kigira avanyasaye vovo livalidzwa lyavo li leng'ana nelivali dzwa lyamadala gogo, O Yuda.

²⁹Kigira ki mu la hing'ana ninze? Mwinye vosi mwebaaye ku inze Yahova a vola.

³⁰Likuya lya nda kuya avana venyu ni lya vutswa; si va bugirira kuhebwa mageli mba: kivavi kikyo ive mwene ki liye vaprofeti vovo, kuli king'ang'a kyononyanga.

³¹O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

³²Mukana a nyala kwivirira vyokwisyaha vivye, naho mwiha a nyala kwivirira ingubo yeye yolwiha? Navutswa avandu vange viviriye inze ku amadiku ga ta li nelivalidzwa.

³³Ive u lomba ndi inzira yoyo u duke kwenya ubuyanzi kigira yaga kali avakali vadamano u mali kuve gidza tsinzira tsitsyo.

³⁴Kandi mu kitweya kikyo amasahi ga loleki mu agemyoyo gya vadaka va ta li nekindu kuvo: ive si wa va nyola va yegulira; navutswa mu yivi vyosi

³⁵Ive wa vola, Si nda hyola mba; ligali ubutima bwibwe bu girunkamlyevwi bu vule kuva ku inze. Henza, ndingira mu likalagirwa halala nive, kigira ive u vola, Si nda kola bwoni mba.

³⁶Ki gira ki u voyovoyanga kuli ndiyo u duke kugirunkannya lugendo lulwo? U la va isoni kigira Egepeti kandi, kuli wa li isoni kigira Asuria.

³⁷Kutwula ku uyu u la twula, na u viki makono gogo ku mutwe gugwo: kigira Yahova wambakani yavo wa u suuvira kuvo, na ive si u la gasidzwa navo.