Read lulogooli Jeremia 32 Bible Online

Jeremia 32 - lulogooli bible

Jeremia 32

¹Likuva lya duka ku Jeremia kutwula ku Yahova mu muhiga gwelikumi gwelyameha lya Zedekia mwami wa Yuda, gwa li muhiga gwelikumi na gyitano na gyivaka gwelyameha lya Nebukadirezaru.

²Inyinga yeyo lihe lyomwami wa Babuloni lya kumbiridza Yerusalemi; na Jeremia mprofeti ya li muhambe mmugidzi gwa valindi, gwa li mu inyumba yomwami wa Yuda.

³Kigira Zedekia mwami wa Yuda ya mu boha, na a vola, Kigira ki u profeta, nokuvola, Yahova a vola, Henza, nda vika lidala yili mmukono gwomwami wa Babuloni, naye a la li vugula;

⁴na Zedekia mwami wa Yuda si a la hona kutwula mmakono ga Vakalidei, navutswa ligali a la vikwa mmukono gwomwami wa Babuloni, na a la volerana naye munwa nomunwa, netsimoni tsitsye tsi la lola tsimoni tsitsye;

⁵na a la hila Zedekia Babuloni, na a la va yo kuduka lwa nduka kuye, Yahova a vola: kali ni mu lwana na Vakalidei, si mu la gasidzwa?

⁶Na Jeremia ya vola, Likuva lya Yahova lya duka ku inze, kuvola,

⁷Henza, Hanameli mwana wa Shalum kodza wowo a ladza ku ive, naye a la ku volera, Wegulire mulimi gwange gu veye ha Anathothu; kigira lidukana lyokugula ni lilyo kugugula.

⁸Ma Hanameli musiara wange yadza ku inze mmugidzi gwavalindi kuli likuva lya Yahova, na ya mbolera, Mwadza, gula mulimi gwange gu veye ha Anathothu, li veye mu kivala kya Benjamini; kigira li dukana lyemiyandu ni lilyo, neligula ni lilyo; wegulire ive mwene. Hene yaho nda manya yili lya li likuva lya Yahova.

⁹Ma nda gula mulimi zana gwa li ha Anathothu ku Hanameli musiara wange, na nda mu gerera ifetha, tsishekeli likumi na tsitano na tsiviri tsyefetha.

¹⁰Na nda ng'oda lieta lyange ku ibaruwa, nokukupa kuyo muhuri, nokulanga avaloli, nokumugerera ifetha ku tsiratili.

¹¹Ma nda vugula ibaruwa zana yobuguli, ya kupwa ku muhuri, kuli lilaga nemiima, neyindi ya li inzalamu:

¹²nebaruwa yobuguli nda ha Baruku mwana wa Neria mwana wa Mahaseia, imbiri wetsimoni tsya Hanameli musiara wange, na imbiri wetsimoni tsyavaloli yava ava ng'oda ameta gavo ku ibaruwa yobuguli zana, imbiri wa Vayuda avikala mmugidzi gwavalindi.

¹³Na nda laga Baruku ha zana imbiri wavo, ni mmu volera,

¹⁴Yahova wa mahe, Nyasaye wa Israeli, a ku volera: vugula tsibaruwa yitsi, ibaruwa yobuguli yiyi ya kupwa ku muhuri, neyindi inzalamu yiyi, u tsi vike tsyombi mu inyingu; tsi duke kumenya madiku manyingi.

¹⁵Kigira Yahova wa mahe, Nyasaye wa Israeli, a vola: Tsinyumba, nemilimi nemilimi gyemizabibu, vi la gulwa kandi mu kivala yiki.

¹⁶Ma ga duka inyima wa inze nda ha Baruku mwana wa Neria ibaruwa yobuguli, nda saala Yahova, ni mbola,

¹⁷O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

¹⁸ive u verereranga tsielfu netsielfu, nokutungidza ubwoni bwavadada ku viritu vyavana vavo inyima wavo: u veye munene, Nyasaye Wanyala Vyosi, Yahova wa mahe nilyo lieta lilye;

¹⁹a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

²⁰wa vika vilolekidzu na vyokugenya mu kivala kya Egepeti, kuduka ku lidiku lya lero, mu Israeli, na hagati na vandu vandi; nokwelombera lieta kuli ga veye lero;

²¹na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

²²na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

²³na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

²⁴Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

²⁵Na ive, O Mwami Nyasaye, u mali kumbolera, Wegulire mulimi nefetha, nokulanga avaloli; halala na yaga lidala li vikeywi mmakono ga Vakalidei.

²⁶Hene yaho likuva lya Yahova lya duka ku Jeremia, kuvola,

²⁷Henza, inze mbeye Yahova, Nyasaye wa vemibiri vosi: ha veye nekindu kidinyu ki nyala kuguuta inze?

²⁸Kunangwa Yahova a vola ndi: Henza, nda vika lidala yili mmukono gwa Vakalidei, nommukono gwa Nebukadirezaru mwami wa Babuloni, naye a la li vugula:

²⁹na Vakalidei, ava lwananga nelidala yili, va ladza nokuvika muliru ku lidala yili, nokulisamba, halala netsinyumba tsyalyo, tsya va vuyidzira Baal vimuli ku visegesi vyatsyo, nokutsuka vihaanwa vyevyokunwa ku vanyasaye vandi, kuduka ku mbihiriridza.

³⁰Kigira avana va Israeli navana va Yuda va koli vyobudamano vyere imbiri wetsimoni tsyange kutwula mu busoleli bwavo: kigira avana va Israeli va vika ku inze livihiriridza lyere nelikola lyamakono gavo, Yahova a vola.

³¹Kigira lidala yili li gwiye kyokumbika livihiriridza nekyobutima bwange bwomuliru kutwula ku lidiku lya va lyombaka kuduka lidiku lya lero; nduke ku li twulidza li vule kuva imbiri wetsimoni tsyange:

³²kigira ubudamano bwosi bwavana va Israeli navana va Yuda, bwa va kola kumbihiriridza, yava, navami vavo, navaneni vavo, navasalisi vavo, navaprofeti vavo, navasatsa va Yuda, na va menyanga Yerusalemi.

³³Va nkupi migongo gyavo, va vuli kumannya mmoni mwavo ku inze kali ni nda vegidza, ni mbuka mmabwebwe kuvegidza, navutswa va vula kuhulira va nyole amegidzo.

³⁴Navutswa va vika livihiriridza lyavo mu inyumba ya langwa ku lieta lyange, kugyononnya.

³⁵Na vombaka hadiguluku ha Baal, ha veye mwivona lyornn ana wa Hinom, va duke kuvitidza avana vavo vayai navakana ku muliru va ve ku Moleku; inkuva ya nda vula kuvalaga, kandi si yingira mu mwoyo gwange, va duke kukola livihiriridza yili, nokukyaminya Yuda va kole bwoni.

³⁶Kunangwa kigira yaga Yahova, Nyasaye wa Israeli, a vola, ku makuva gelidala yili, lya mwinye mu volanga kulyo amakuva yago, Li vikeywi mu mukono gwomwami wa Babuloni nekivavi, nenzala, nobulwaye:

³⁷Henza, nda va vungidza nokuvatwulidza mu vivala yivi vyosi, vya nda va kunga ni va tsia yo mu livihirirwa lyange, nomu likendeka lyange, nomu butima bwange bunene; na nda va leta kandi vadze hano, nda va vika va menye nemirembe.

³⁸Navo va la va avandu vange, na inze nda va Nyasaye wavo:

³⁹nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

⁴⁰na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

⁴¹Yee, nda sangala kuvo nduke kuvakolera ubulahi, nda va simika mu kivala yiki ligali nomwoyo gwange gwosi neliva lyange lyosi.

⁴²Kigira Yahova a vola: Kuli nda leta budamano yibu ubunene bwosi ku avandu yava, ni ndiyo kandi nda leta kuvo ubulahi yibu bwosi bwa nda va suuviridza.

⁴³Na milimi gyi la gulwa mu kivala yiki, kya mu volanga, Ki veye kyere, si ki veye nomundu kinga inyama; ki vikeywi mmakono ga Vakalidei.

⁴⁴Avandu va la gula milimi nefetha, nokung'oda ameta ku tsibaruwa, nokutsivika mihuri nokulanga avaloli, mu kivala kya a Benjamini, na hosi kutsimbega tsya Yerusalemi, nomu madala ga Yuda, nomu madala gekivala kyevigulu, nomu madala gekivala kyekereremu, nomu madala ga Kusini: kigira inze ndirznnya lyadikidzwa lyavo, Yahova a vola.