Read lulogooli Jeremia 33 Bible Online

Jeremia 33 - lulogooli bible

Jeremia 33

¹Kandi likuva lya Yahova lya duka ku Jeremia hali kaviri lwa ya li na a kikiri mu libofwa mu mugidzi gwa valifidi, kuvola,

²Yahova u kolanga inkuva yiyi, uyu Yahova wa gi lomba, a duke kugidinyeridza; Yahova nilyo lieta lilye: a vola,

³Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

⁴Kigira Yahova, Nyasaye wa Israeli, a vola, ku makuva getsinyumba tsyelidala yili, noku makuva getsinyumba tsyavami va Yuda, itsya sambulwa kuduka kulolomba lugaga lwevitumi nekivavi;

⁵(lwa avandu vadzanga kulwana na Vakalidei, na ga veye kwizulitsa tsinyumba mibiri mikudzu gyavandu, ava ndiita mu livihirirwa lyange, nomu likendeka lyange, ava li kigira ubudamano bwavo mbisi mumoni mwange ku lidala yili:)

⁶Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

⁷Na ndirannya lyadikidzwa lya Yuda nelyadikidzwa lya Israeli, nokuvonbaka, kuli matsyambiri.

⁸Nda va siya va twula ku budamano bwavo bwosi, bwagira ni va nkolera ubwoni; nda va sameha ubwoni bwavo bwosi, bwagira ni va nkolera ubwoni, nokuhyola ku inze.

⁹Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

¹⁰Yahova a vola ndi: Kali kandi ga la hulirwa hano, ha mu volanga Ha veye ahere, ha tsi ta veye nomundu kinga inyama, kali mu madala ga Yuda, nomu tsinzira tsya Yerusalemi, tsi veye hatswa, tsi ta li ku nomundu kinga avamenyi kinga inyama

¹¹gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

¹²Yahova wa mahe a vola ndi Kali ga la va ho kandi hano, aha veye hatswa, ha ta li nomundu kinga inyama, nommadala gaho gosi, ubumenyo bwa avayi ava gonnyanga mu kivala magondi gavo.

¹³Mumadala gekivala kyotugulu, mu madala gekivala kyekereremu, nomu madala ga Kusini, nomu madala ga Benjamini, na hosi ku tsimbega tsya Yerusalemi, nomu madala ga Yuda, vyayo vi la loleka kandi isi womukono gwa uyu u vi validzanga, Yahova a vola.

¹⁴Henza, madiku gadzanga, Yahova a vola, mmadiku yago nda dukidza likuva lilahi lya nda vola ku makuva genyumba ya Israeli noku makuva genyumba ya Yuda.

¹⁵Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

¹⁶Mmadiku yago Yuda a la honnywa, na Yerusalemi li la menye mmirembe: na lieta lilue lya a li langwa ni yili: YAHOVA ubulungi bwetu.

¹⁷Kigira Yahova a vola: Daudi a la vula kugehera mundu wikala ku intebe yobwami yenyumba ya Israeli mihiga nemihiga;

¹⁸kandi avasalisi Avalevi si va la gehera mundu wokuhaana vihaanwa vyokusambwa, nokusamba visyuviriru, nokuleta vihaanwa imbiri wange kazozo.

¹⁹Likuva lya Yahova lya duka ku Jeremia, kuvola,

²⁰Yahova a vola: Ni mu va ni mu nyala kwononnya lilagana lyange lya mbasu, nelilagana lyange lyobudiku, ga luhe ga vule kuva lyo mbasu nobudiku ku tsinyinga tsyabwo;

²¹hene yaho lilagana lyange lya nda kola na Daudi mutumekiri wange, namusia li lononywa, a luhe a vule kuva nomwana muyai kwameha ku intebe yeye yobwami na gosi aga nda kola halala na Valevi vasalisi, ava tumekiranga inze.

²²Kuli amahe gomwigulu ga vula kunyala kuvalidzwa, kinga muyeke gwenyanza gu vula kugerwa; ni ndiyo ndi meda kisukululwi kya Daudi mutumekiri wange, na Avalevi ava tumekira inze.

²³Likuva lya Yahova lya duka ku Jeremia, kuvola,

²⁴Ive si u ganagana likuva lyavandu yava va vola, ni va vola, Ubwiko buviri yibu bwa Yahova ya tovola, u bu teye? Ni ndiyo va leganga avandu vange, va vule kuva ihiri kandi imbiri wavo.

²⁵Yahova a vola: Ni i va lilagana lyange lyo mbasu nobudiku si li singira, ni i va si mbana lilaga lyeligulu nelyelirova;

²⁶hene yaho nda ta kisukululwi kya Yakobo, nekya Daudi mutumekiri wange, nduhe mbule kuvugula ku kisukululwi kikye ava lyameha ku kisukululwi kikye kya Abrahamu, na Isaka, na Yakobo; kigira ndirannya lyadikidzwa lyavo, na nda va vererera.