Read lulogooli Jeremia 38 Bible Online

Jeremia 38 - lulogooli bible

Jeremia 38

¹Na Shefatia mwana wa Matan, na Gedalia mwana wa Pashuri, na Jukali mwana wa Shelemia, na Pashuri mwana wa Malikija, va hulira makuva ga Jeremia ya volera avandu vosi, lwa ya vola,

²Yahova a vola, Uyu u menyanga mu lidala yili a la kudza nekivavi, nenzala, nobulwaye; navutswa uyu u twulanga kutsia ku Vakalidei a la va mwoyo, na livamwoyo lilye li la va vilanye kuye, naye a la va mwoyo.

³Yahova a vola, Lidala yili li la vikwa mu makono gelihe lyomwami wa Babuloni ligali, naye a la li vugula.

⁴Hene yaho avanene va volera mwami, mwadza, leka mundu uyu yiitwe; kigira a vikanga budedekere ku makono gavandu velihe ava tigala mu lidala yili, noku makono gavandu vosi, ku livola lya a va voleranga makuva kuli yaga; kigira mundu uyu si a saaviranga avandu yava ubulahi mba, navutswa a va saaviranya kivi.

⁵Na mwami Zedekia ya va volera, Henza, a veye mmakono genyu; kigira mwami si a veye uyu u nyala kukola likuva kali lilala ku mwinye.

⁶Ma va gumira Jeremia, ni va mu ta mbogo bwa Malikija mwana womwami, bwa li mu mugidzi gwavalindi: na vikidza Jeremia nemigoye. Si ha li na madzi mbogo zana navutswa budohi; na Jeremia ya sikira mu budohi.

⁷Ma Ebedi-meleku Muethiopia kitsiri, wa li mu inyumba yomwami lwa ya hulira va viki Jeremia mbogo (nomwami inyinga yeyo ya li ni yikaye mu kiribwa kya Benjamini),

⁸Ebedimeleku ya twula mu inyumba yomwami, na a volera mwami na a vola,

⁹O munene wange mwami, avandu yava va koli budamano ku vindu yivi vyosi vya va kolera muprofeti Jeremia, wa va teye mbogo; naye namusia a la kudzira ha a veye zana, kigira inzala: kigira si ha veye nobukima mu lidala mba.

¹⁰Hene yaho mwami ya laga Ebedi meleku Muethiopia, na a mu volera, Vugula halala nive avandu makumi gavaka va hano, u tsia navo mu twulidze muprofeti Jeremia mbogo, na a kikiri kukudza.

¹¹Nonoho Ebedi meleku ya vugula avandu na a tsia navo, ni yingira mu inyumba yo mwami mu lwalo lwa akiba, na a vugula mu tsingubo tsinkulu tsya tebwa, nevidonye vyetsingubo vya gunda, na ya vikidza nemigoye mbogo ku Jeremia.

¹²Na Ebedi meleku Muethiopia ya volera Jeremia, Vika tsingubo tsinkulu yitsi, na tsingubo tsya gunda isi wemigoye mu tsikwaha tsitsyo. Na Jeremia ya kola ndiyo.

¹³Kunangwa va twulidza Jeremia nemigoye, ni va mu vika kyova wobogo: na Jeremia ya menya mmugidzi gwavalindi.

¹⁴Hene yaho mwami Zedekia ya tuma avandu, na a leta muprofeti Jeremia yadze kuye mu bwingiriru bwa kavaka bwa li ku inyumba ya Yahova: nomwami ya volera Jeremia, Nyenya kukuteva likuva lilala; na ive u ta mbisa kindu kali kilala mba.

¹⁵Hene yaho Jeremia ya volera Zedekia, Ni mba ni nku vuulira kindu yiki, ligali si u la nziita? Ni mba ni nku ha likuva si u la mbulira mba.

¹⁶Ma mwami Zedekia yisuhira Jere mia makiriri, na a vola, Kuli Yahova a veye mwoyo, wa ku lombera mwoyo gwange yigu, Inze si nda kwiita, kandi si nda ku vika mmakono gavandu venyanga mwoyo gugwo mba.

¹⁷Hene yaho Jeremia ya volera Zedekia, Yahova, Nyasaye wa mahe, uyu Nyasaye wa Israeli, a vola; Ive nu u va nu u twula nokutsia ku vanene vomwami wa Babuloni, hene yaho mwoyo gugwo gu la hindira, na lidala yili li la vula kusambwa nomuliru; na ive u la va mwoyo, na avenwmba yoyo halala.

¹⁸Naw tswa ive nu u va nu u sula kutwula kutsia ku vanene vomwami wa Babuloni, hene yaho lidala yili li la vikwa mmakono ga Vakalidei, navo va la li samba nomuliru, na ive si u la hona mmakono gavo mba.

¹⁹Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

²⁰Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

²¹Nawtswa nu u sula kutwwla, yili ni likuva lya Yahova ya mannya inze:

²²Henza, avakali vosi ava lekwa mu inyumba yomwami wa Yuda va la hilwa va tsia ku vanene vomwami wa Babuloni, navakali yava va la ku volera makuva yaga, Yavo avalina vovo va himbi va mali kukugoonya, nokuku guuta: kalunu virenge vivyo vi mali kusikira mbudohi, va girunkani nokwirana inyima.

²³Navo va la twulidza avakali vovo vosi navana vovo vosi kuha Vakalidei: na ive si u la hona ku makono gavo mba, na wtswa u la gumirwa nomukono gwomwami wa Babuloni: na u la kola lidala yili li sambwe nomuliru.

²⁴Hene yaho Zedekia ya volera Jeremia, U ta leka mundu kali mulala a manye makuva yaga, na ive si u la kudza mba.

²⁵Navutswa avanene ni va hulira inze mbolerani ni ive, navo vadza ku ive, nokukuvolera, U ku vuulire kalunu aga u voleye mwami; u ta ku visa kindu mba, na kwinye si ku la kwiita mba: na agomwami ya ku volera:

²⁶hene yaho u va volere, Inze nda vika lisaala lyange imbiri womwami, a vule kunzirannya mu inwmba ya Jona than, kukudzira yo.

²⁷Hene yaho avanene vosi va tsia ku Jeremia, nokumuteva: naye ya va volera kuli amakuva yaga gosi gomwami ya mu laga. Ma va leka kuvolerana naye; na likuva yilyo si lya manyakana mba.

²⁸Ma Jeremia ya menya mu mugidzi gwavalindi kuduka ku lidiku lya Yerusalemi lya vugulwa. Na ga duka lwa Yerusalemi ya.