Read lulogooli Jeremia 4 Bible Online

Jeremia 4 - lulogooli bible

Jeremia 4

¹Nu u va ni wirana kandi, O Israeli, Yahova a vola, nu u lirana ku inze; nu u va nu u twulidza livihiriridza lilyo li vule kuva imbiri wetsimoni tsyange; hene yaho u la vula kutwulidzwa;

²na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

³Kigira Yahova a volera avandu va Yuda na Yerusalemi, Mu lime lirova mu milimi gyenyu, mu ta midza ubugutsa hagati ha maiwa mba.

⁴Mwekevere ku Yahova, mu twulidze magodo gemyoyo gyenyu, mwi nye avasatsa va Yuda, navamenyi Yerusalemi; gase ubutima bwange kuli muliru, bu laaka, a luhe a vule kuva ho u nyala kubusiminya, kigira ubudamano bwelikola lyenyu.

⁵Mu landidze mu Yuda, mwilwadze mu Yerusalemi; nokuvola, Mu kupe visiliva mu kivala: mu kupe uluku, mu vole, Mu vugane halala, kwingire mu madala golugaga.

⁶Mu ginge ibendera ku luvega lwa Zioni: mwiruke mu duke kuhona, mu ta li ndagira mba; kigira nda leta ubudamano kutwula ku luvega lwa kasika sini, nobudividzi ubunene.

⁷King'ang'a kyanegiye kutwula mu liginga lyakyo, nomudividzi wetsihiri; a veye mu inzira, u mali kutwula hango hehe a duke kukola kivala kikyo kuva vutswa, amadala gogo ga kolwe vyanyi ga vule kuva nomundu mugo.

⁸Kigira yaga webohe ingubo yeli gunia, u syome, nokukupa tsikwili kigira ubutima bululu bwa Yahova bu vuli kwiranywa kutwula ku kwinye.

⁹Kandi ga la va ku lidiku yilyo, Yahova a vola, mwoyo gwomwami gu la kudza, nemyoyo gyavanene; navasalisi va la genya, navaprofeti va la tangalala.

¹⁰Hene yaho nda vola, Ai, Mwami Nyasaye ligali ive u gadi avandu yavo ligali na Yerusalemi, lwa wa vola, Mwinye mu la va nemirembe; navutswa kivavi ki duki kali mu myoyo.

¹¹Inyinga yeyo avandu yava na Yerusalemi va la volerwa likuva yili, Imbuudza yoluya i twulanga hadiguluku nomu kyangalangwi ku luvega lwo kuhenza ku mukana wavandu vange, si i veye imbuudza yokusesa, kinga; imbuudza yokutakasa

¹²imbuudza yizula i twulanga hadi guluku i ladza kigira inze: kalunu nda vola likalaga kuvo.

¹³Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

¹⁴O Yerusalemi, yogidza mwoyo gugwo ku budamano bubwo, u duke kuhona. Tsiganagani tsitsyo tsindamano tsi la menya mu ive kuduka inyinga ki?

¹⁵Kigira mwoyo gu landidza makuva kutwula Dan, nokwilwadza ubudamano kutwula ku vigulu vya Efiraim.

¹⁶U hile makuva ku tsihiri; henza mwilwadze ku Yerusalemi, avalindi va twula mu kivala kyehale, na va twulidzanga myoyo gyavo ku madala ga Yuda.

¹⁷Va vuka kuye kuli avalindi vomulimi kumukumbiridza tsimbega tsyosi; kigira ya li ni yebaaye ku inze, Yahova a vola.

¹⁸Inzira yoyo nelikola lilyo vi ku nyoleye inkuva yiyi; henza ubudamano bubwo; kigira bu veye bululu, kigira bu dukanga ku mwoyo gugwo.

¹⁹Ubusaliri bwange, ubusaliri bwange ntsunangwa mu mwoyo gwange gwene; mwoyo gwange gu timukanga mu inze; si nyala kukiring'ana; kigira u huliye, O mwoyo gwange, mwoyo gwekisiliva, muliviti gwobulwani.

²⁰Ubudivi igulu wo budivi bu lilirangwa; kigira kivala kyosi ki lanyeywi: mahema gange ga lanyeywi nonoho, netsingitu tsyange ku idagika indala.

²¹Nda lola ibe ndera kuduka inyinga ki, nokuhulira mwoyo gwekisiliva?

²²Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

²³Nda lola lirova, na henza, li veye bugira bulolero na bugira kindu mulyo; nomu ligulu nda li henza, vya li bugira bulavu.

²⁴Nda lola vigulu, henza, vya degera, notu gulu twosi twa tumatuma.

²⁵Nda lola, henza, si ha li nomundu, na manyonyi gosi gombwerefu giruka.

²⁶Nda lola, henza, mulimi gwelyama ligali gwa li kyangalangwi, na madala gagwo gosi ga sambulanywa imbiri wommoni mwa Yahova, imbiri wobutima bwibwe bululu.

²⁷Kigira Yahova a vola ndi Kivala kyosi ki la va vutswa, halala na yaga si nda ki mala ligali.

²⁸Kigira vindu yivi lirova li la syoma neligulu li la va limwamu; kigira mboye yaga, nsaaviye, si nzeganiye, si ndirana inyima ku inkuva yiyi.

²⁹Madala gosi giruka kigira liyoga lya yavo ava nina ku tsiparasi na kigira avobuta; vingira mu maginga nokunina igulu ku magina: lidala sa lilala li lekeywi, si ha li nomundu wa menya mulyo.

³⁰Na ive lwa u lanywa u la kola ndi? Kali ni wiviki tsingubo tsinzakanyu, kali ni wisyahi vyokwisyaha vyethahabu, kali nu u buula tsimoni tsitsyo na imunyi, na gawtswa ga wekolanga mulahi; ava yanze Doro va ku lega, venyanga livamwoyo lilyo.

³¹Kigira mbuliye mwoyo kuli muoyo gwomukali u veye mu lilumwa, litsunwa kuli uyu wivulanga mwana wewe wokutanga, mwoyo gwomukana wa Zioni, uherananga kunyola mwika, nokunyira amakono gege, na a vola, O bayaye ku inze kalunu kigira mwoyo gwange gu kudzanga imbiri wa valumindi.