Read lulogooli Jeremia 42 Bible Online

Jeremia 42 - lulogooli bible

Jeremia 42

¹Hene yaho avanyampara vosi velihe, na Johanan mwana wa Karea, na Jezania mwana wa Hoshaia, navandu vosi kutwula ku mukekeke kuduka ku munene, visunda himbi,

²ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye,

³Yahova Nyasaye wowo a duke kukumannya inzira i ku dukiranga kugilonda, na inkuva i ku dukiranga kugikola.

⁴Hene yaho muprofeti Jeremia ya va volera, Inze mbuliye mwinye; henza, nda saala Yahova Nyasaye wenyu kuli makuva genyu; kandi ga la va ku vyosi vya Yahova a mu tivulira, inze ndilwadzira mwinye; si ndigalira ku mwinye kindu kali kilala mba.

⁵Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye.

⁶Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.

⁷Na ga duka inyima wa madiku likumi, likuva lya Yahova lya duka ku Jeremia.

⁸Hene yaho ya langa Johanan mwana wa Karea, na vanyampara vosi velihe ava li halala naye, navandu vosi kutwula ku mu kekeke kuduka ku munene,

⁹na ya va volera, Yahova, Nyasaye wa Israeli, wa mwa tuma inze kutsia kuye kuvika lisaala lyenyu imbiri wewe, a vola:

¹⁰Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola.

¹¹Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe.

¹²Nda mu vera tsimbabasi, a duke kumuvere rera, nokumwirannya mwirane mu kivala kyenyu.

¹³Navutswa ni mu vola, Kwinye si kwenya kumenya mu kivala yiki; kuduka mu vule kuhulira mwoyo gwa Yahova Nyasaye wenyu;

¹⁴ni mu vola, Auwa; navutswa ku la tsia mu kivala kya Egepeti, kivala kya ku la vula kulola yo ubulwani, kinga kuhulira mwoyo gwekisiliva, kinga kuva nenzala ku lidaka vyokulia mba; ku la menya yo:

¹⁵kalunu mu hulire likuva lya Yahova mwinye ava tigala Vayuda: Yahova wa mahe, Nyasaye wa Israeli, a vola, Mwinye ni mu va ni mu henzidza mmoni mwenyu ligali kwingira Egepeti, mu tsie kumenya yo;

¹⁶hene yaho ga la va, kivavi kya mu tidza nga, ki la mu nyola yo mu kivala kya Egepeti, nenzala ya mu tidzanga, i la mu londerera ha Egepeti; na mu la kudzira yo.

¹⁷Ni ndiyo ga li va ku avandu yavo vosi ava li henzidza mmoni mwavo kutsia Egepeti kumenya yo; va la kudza nekivavi, nenzala, nobulwaye; si ha veye nomundu kali mulala kuvo u li tigala king kuhona ku budamano bwa ndi leta kuvo.

¹⁸Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba.

¹⁹Yahova u voye ku vindu vyenyu, Mwinye avatigala va Yuda, mu tingira Egepeti mba: mu manye ligali, inze ndolekidza ku mwinye lero.

²⁰Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana.

²¹Na inze nzilwadzi ku mwinye lero ma kuva yaga; navutswa mwinye si mu huliye mwoyo gwa Yahova Nyasaye wenyu mu likuva lya a tumi inze ntsie nalyo ku mwinye.

²²Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.